taasinissaq

Bernhardt Olsen: Kommune Avannarleq anigaasaqarniarnikkut tunngavissaqanngilaq

- Politikerit avannaamiut atuagassatik atuarsimanngilaat, Bernhardt Olsen Siumumeersoq oqarpoq

Qaasuitsup Kommuniani kommunalbestyrelsimut ilaasortaq Bernhardt Olsen Siumumeersoq

- Uummannaq Upernavik Qaanaaq massakkut suliffiit piusut, tunngaigalugit anigaasartuutissatit matusinnaanngilaat. Politikerit avannaamiut atuagassatik atuarsimanngilaat, inuillu oqallattaarneri aallaavigiinnarlugit, kommunip anigaasaqarnikkut imminut napatissinnaanngittoq pilersinniarsarivaat.
Qaasuitsup Kommuniani kommunalbestyrelsimut ilaasortaq Bernahardt Olsen Siumumeersoq isornartorsiuilluni oqarpoq.

Akisussaassuseqanngitsumik ingerlatsisoqarsimasoq oqarpoq.

- Tamannalu akisussaassusilimmik iliornerunngilluinnarpoq, naalakkersuisunik inatsisartunillu akuerineqarunnanngilaq, taamatut anigaasaqarniarnikkut tunngavissaqanngittumik takorluuinerlunneq qinersisartunut qujanarniariaraluarneruvoq kanngunaannartoq, Siumut tunuliaqutaralugu politikkeri oqarpoq.

Oqaatsini uppernarsarniarlugit Qaasuitsup Kommuniata kisitsisaataanik saqqummiussivoq. Kommunimik pilersitsisoqaqqissappat aningaasaqarnikkut tunngavissaqanngitsoq erseqqissaatigaa.

- 2.600-innarnik suliffissaqarpoq, meeqqat utoqqaallu 3.000-it pilersorneqartussaapput, oqarpoq.

Bernahardt Olsenip kisitsisaatai malillugit kisitsisit ima isikkoqassapput, Qeqertarsuup tunuaniittut kisitsisit parentesip iluaniipput:

  • Suliffiit: 2.700 (7.500)
  • Suliffiit procentinngorlugit sumiinneri 26 % (74 %)
  • Suliffeqanngittut Meeqqat, Utoqqaat pilersugassat 3.000 (4.000)
  • Pilersugassat procentinngorlugit 43 % (57 %)
  • Pilersugassat/ anigaasartuutit/ kr. -476 mio. (-632 mio.)
  • 28 % kommune-mut akileraarut 100 mio. (400 mio.)
  • Tapiissutit bloktilskud nunatta karsia 282 mio. (372 mio).
  • Amigartoorut / Sinneqartoorut -94 mio. (+140 mio.)

Qaasuitsup ullumikkut kisitsisaatai taamatut isikkoqarputi, suliffissaaleqisunik nalunaarsuineq aamma aallaavigalugu. Innuttaasut sumi najugaqarneri, aningaasarsiorfeqarneri isumagisariaqarnerilu aallaavigalugit.

Qaasuitsup Kommuniata avinneqassanersoq pillugu tikkuussisumik marlunngornermi marsip 25-ani taasisoqassaaq.

Powered by Labrador CMS