Skip to main content

Benzinamut akiliut pillugu mianersortumik oqallinneq

Benzinamik atornerluisimaneq, akiliutitut korteqartitaaneq atuinerlu sakkortungaatsiartumik oqaluuserineqartareeraluartoq, Nunatta Karsiata naatsorsuutaat 2017-imoortut inatsisartuni ullumi aappassaaneerneqarmat oqallinneq sallaannerungaatsiarpoq.

Nunatta karsiata naatsorsuutaasa oqaluuserineqannginnerani Vittus Qujaukitsoq aallaqqaasiutitut oqalugiarnermini benzinamut korti pillugu nutaanik ilitsersuuteqalersimasoq benzinamullu kortit atorunnaartut ilisimatitsissutigaa, taamaasilluni oqallinnissarujussuaq pinngitsoortillugu.

Kukkunersiuinermut Ataatsimiititaliap isumaliutissiissutimini piumasaraa malittarisassanik nutaanik sanasoqassasoq, sulinermut atatillugu akeqanngitsumik biileqartitaanermi sipaarnerunissaq anguniarlugu.

Piumasaqaat taanna Vittus Qujaukitsumit eqqaaneqanngilaq.

Demokraatineersup Malene Vahl Rasmussenip ilitsersuummi nutaami sipaarnerusoqarnissaanik ilanngussisoqarsimanngimmat ”ugguaraa”, tamannalu ima oqaasertalerlugu:

- Taamaappat naalakkersuisut tamarmiullutik atuinertik eqqumaffiginerulaartariaqarpaat.

Doris oqaaseqarpoq

Doris J. Jensen imminut qitiutittunngorluni inersuarmit oqaaseqarpoq, namminerlu aqqusaarsimasani allanit aqqusaarneqassanngitsut neriuutigalugu oqaatigalugu.

- Nuanninngilarmi, erseqqissaavoq. Pisumi, politiinut tunniussinerup nalaani, piviusut eqqortut sinarluinnaanut pereerluni taama oqarpoq. 

2017-imut Nunatta Karsiata Naatsorsuutaat inatsisartunit tamarmiusuni akuerineqarput.      

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER