Skip to main content

Beachvolleymik unammisarfiit nunarsuarmi avannarlersaat

Inughuit Volleyball Club, siorna aallartinneqartoq, Qaanaami sissami beachvolleymik unammisarfiliorsimavoq

Beachvolleyball tusarlugu immaqa ingerlaannaq eqqaaneqassaaq tassaasoq timersuut nunani kiattuni sissami unammissutaasartoq. Nunanili kiattuinnarni beachvolley ingerlanneqarsinnaanngilaq. Qaanaami Inughuit Volleyball Club beachvolleymik unammisarfiliorsimavoq.

– Sapaatip akunnerata naanerani illoqarfiup ataani sissami volleyball-imut nettit ikkuppavut. Volleyballimut nettit timersortarfimmeersuupput asororsimagaluartut maanna atoqqillugit nivinngarpavut, Inughuit Volleyball Clubip siulittaasua Ane Qujaukitsoq Sermitsiaq.AG-mut oqaluttuarpoq.

Taanna oqaluttuarpoq beachvolley Qaanaamiunit soqutigineqarluartoq, amerlasuullu beachvolleymi peqataajartortartut, imaluunniit aasaanerani seqinnarissuup ataani isiginnaariaannarlutik.

– Sapaatiummat nettit nivinngaratsigilli beachvolley-mik unammisarfik inoqartuaannarsimavoq, silagittuaannarsimavorlu, Ane Qujaukitsoq oqaluttuarpoq.

GM-imut peqataarusupput

Inughuit Volleyball Club peqatigiiffik nutaajuvoq siorna oktobarimi pilersinneqartoq. Qaanaamili volleyballertarneq nutaajunngilaq, Ane Qujaukitsoq oqaluttuarpoq.

– Timersortarfimmi sivisuumik volleyballertoqartarsimavoq, nunatsinnili pissartanngorniunnermi peqataasarnissaq siunertarinagu. Maanna volelyballklubiliorpugut, tullianillu volleyballimi GM-eqarnissaani peqataarusuppugut, Inughuit Volleyball Clubip siulittaasua oqarpoq.

Taassuma neriuutigaa Qaanaami timersortarfik ukiaru ammaqqippat volleyballertartut amerlanerussasut.

– Inuit nalinginnaasumik volleyballerneq ajortut beachvolleyballertarput nuannisarfigalugu, Ane Qujaukitsoq oqarpoq.

Inughuit Volleyball Clubip siulittaasua oqaluttuarpoq silagikkaangat unnuit tamaasa nalunaaqutaq 19 beachvolleymik unammisarfiliaasarlutik.

Assit ataani takukkit

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER