Skip to main content

Bay: Immikkut suliaqartussat aatsaat taama pisariaqartigipput

Kalaallit Nunaanni Politiit meeqqanik 15-it inorlugit ukiulinnik kinguaassiuutitigut atornerluinernik nalunaarutiginninnerit amerleriiarujussuarnerannit sakkortuumik tatineqarput, tamannalu immikkut suliaqartussat suliassanik tamakkuninnga isumaginnittussat pilersinneqarnissaannik pisariaqartitsineqarnerannik ersersitsilluni.

Meeqqat kinguaassiuutitigut kanngutsaatsuliorfigineqartarnerannik akiuiniarluni suliniuteqartoqarnissaa pillugu inassuteqaatit 16-it akornanni Kalaallit Nunaanni Politiit, politiit ataanni immikkut suliaqartunik, kanngutsaatsuliorfiginninnernik tamakkuninnga isumaginnittussanik pilersitsisoqarnissaanik kissaammik ilanngussaqarsimapput. Innassuteqaatit isumaginninnermut ministerimit Astrid Kragimit aamma isumaginninnermut naalakkersuisumit Martha Abelsenimit tallimanngormat tamanut saqqummiunneqarput.

Immikkut suliaqartussanik pilersitsisoqarnissaanik kissaat aatsaat taama pisariaqartigilersimavoq. Kisitsisinit nutaanit takutinneqarpoq, meeqqanik 15-it inorlugit ukiulinnik kinguaassiuutitigut atornerluinerit pillugit nalunaarutiginninnerit ukioq manna ukiup affaani siullermi siorna ukiumut tamarmiusumut sanilliullugit qaffasinnerunerat takutinneqarpoq.

Piginnaasat immikkuullarissut pisariaqartut

- Politikredsini sulisumut ataatsimut kinguaassiuutitigut atornerluinermik pinerluutinik amerlanerpaanik ersarilluinnartumik suliaqarfiuvugut. Tamanna suliassanik pingaarnersiuineq eqqarsaatigalugu unammilligassanik pilersitsisarpoq, politiinik unnerluussisunillu suliassaqarfimmut tassunga immikkuullarissunik piginnaasalinnik amerlasuunik sulisoqartussaavugut, taamatuttaarlu sulisutta sulianik taama ittunik suliaqarnerminni maluginiartagaasa sakkortuut suliarisinnaanissaannut tarnip pissusia pillugu immikkut ilisimasalinnit naammattumik ikortorneqartarnissaat qulakkeertariaqaripput, politimester Bjørn Tegner Bay Sermitsiaq.AG-mut oqarpoq.

Taassuma meeqqanut tunngasunik suliaqarnermi pissutsit immikkuullarilluinnartuusarnerat tikkuarpaa, tamatumanimi meeqqat videokkut killisiorneqartarnissaat piumasaqaataammat, tamannalu suliarujussuusarluni.

- Tamatuma kinguneranik politiit Kalaallit Nunaanni sumiiffinnut arlalinnut angalasariaqartarput videokkut killisiuiartorlutik, sumiiffinni tamani immikkut ilisimasalinnik sulisoqarsinnaannginnatta, nassuiaavoq.

Politimester Bjørn Tegner Bay isumaqarpoq, immikkut suliaqartunik kinguaassiuutitigut atornerluinernik pinerluutinik isumaginnittussanik pisariaqartitsineq aatsaat taama annertutigilersimasoq.

- Taamatut suliaqartoqatigiinnik pilersitsoqarnissaa kissaatigisorujussuuarput, takusinnaagatsigu allaanerussuteqartitsilluarsinnaasut. Suliaqartoqatigiit maanna nalunaarutigineqartartut amerliartorneranni taamalu uatsinnut pingaarnersiuineq, sulisut immikkut ilinniarsimasut allallut eqqarsaatigalugit, aatsaat taama pisariaqartigilersimavoq, politimesteri erseqqissaavoq.

Politiinik amerliliineq

Suliaqartoqatigiinnik immikkut piginnaasalinnik nutaanik pilersitsiniarluni sulisunik nikisiterisoqaannarnissaa pineqanngilaq.

- Taamaattoqarsimagaluarpat uagut nammineerluta tamanna suliarisimasinnaagaluarparput, Bjørn Tegner Bay oqarpoq.

Politimesteri paasissutissiilluni oqarpoq, Kalaallit Nunaanni Politiini ukiumut atorfiit amerlineqarnerat pineqassasoq tunngavigineqartoq.

- Taamaammat siunnersuutip Danmarkimi naalakkersuisut politeeqarneq pillugu isumaqatigiissutissatut siunnersuutaannut ilanngunneqarsimanera aamma nuannaarutigisorujussuuara, Bjørn Tegner Bay oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER