Skip to main content

Basim angusarissaarnerit qulit akornanniissaaq

Sverigeli ilimanaateqarneruvoq ajugaaqqinnissaminullu periarfissarissaarluni - Eurovision-imi ajugaanermi kingorna ukiut marluk qaangiutiinnartut

Ukiut marluinnaat matuma siornatigut svenskip Loreen-ip Sverige tamaat nuannaartippaa Aserbajdsjan-ii Baku- mi Eurovision ingerlanneqarmat "Eurphoria" atorlugu ajugaagami. Maanna aamma ilimanarluinnarpoq svenskit ajugaaqqissasut, erinarsorluni unamminersuarmi finali arfininngorpat Københavnimi Refshaleøen-imi ingerlanneqarpat.
Eurovision 2014-imi Sverige ajugaasussatut eqquiniaasitsisartunit ilimagineqarnersaavoq.
Semifinalip siulliup ingerlanneqarnissaa qaammatinik arlalinnik sioqqullugu det internationale melodi grand prix-imi Armeniap ajugaanissaa ilimagineqarnersaasimagaluarpoq. Marsimili erinarsortartup armeniamiup Aeram Mp3-p grand prix-imik nuannarinnittut avissaartuutsilerpai. Tassami anguteqatinoortartut isorai "allakkajaatut" taallugit - toqqaannartumik sammitillugu østrigimiumut transvestet-imut drag-performer-imullu Conchita Wurst-imut, taannalu unammeqataavoq atorlugu "Rise Like a Phoenix".
Tamanna peqatigalugu østrigimiu taanna, pingaartumik umimminik suliarilluakkanik immikkoorutilik, eqquiniaasitsisartunit nuannarineqaleriartorpoq. Semifinalip aappaani peqataareerluni Conchita Wurst ilimagineqarnerpaat pingasut akornanniilersimavoq.
Armeniamiup anguteqatiminoortartunik oqaaseqaatai europæiske grand prix-imik nuannarinnittut kattuffiannit (Ogae) pillarneqarpoq, ukiumoortumik taasisitsinermini Armenia nuanniitsumut normu 6-inngortimmagu.
Kingorna Aram Mp3-p utoqqatsissutigaa quiasaarniarluni oqarsimalluni, armeniamiullu mitsimaaq atugaa "Not Alone" eqquiniaasitsisartuni qaffasissumik inissisimaannarpoq. Taamaallaalli marlunngormat semifinalimi siullermi peqataareernerata kingornanut.
Tassami ingerlaqqinnissaminut naammattumik taaneqaraluarluni Aram Mp3-p ilimagineqarnera annikilleriarpoq.
Tamanna peqatigalugu svenskeq Sanne Nielsen ilimagineqaleraluttuinnarpoq, taassumalu atorpaa "Undo".
Eqquiniaasitsisartut malillugit Eurovision-imi ajugaasinnaapput Holland, Ukraine, Tuluit Nunaat aamma Ungarn. Tyskland Islandilu ilimagineqanngilluinnarput.
Danmarki - Basim marsimi qallunaat melodi grand prix-ianni ajugaammalli - eqquiniaasitsisartunit ilimagineerukkiartorsimavoq, isumaqatigiippulli 21-nik ukiulik angusarissaarnerit qulit akornanniissasoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER