Skip to main content

BankNordik: Uagutsinni aningaaseriveqarneq sullitatsinnut akisunerulissaaq

BankNordikip aningaasaqarnikkut allatut ingerlatsilernissaanik Danmarkimi Finanstilsynimit peqquneqarnera Kalaallit Nunaanni sullitanut akisunerulissaaq

BankNordik aningaasaqarnerminik allatut ingerlatsilernissamut peqquneqarsimavoq, tamatuma malitsigisaanik aningaaserivik taarsigassarsiniartarfinnut én milliard koruuninik taarsigassarsiniartariaqarpoq. Aningaasartuutissat sullitanit naggataatigut akilerneqartussat.

Danmarkimi Finanstilsynip ullumi piumasarisimavaa, BankNordik aningaasarsiornikkut ajornartorsiortoqarnerani annanniaruni, Savalimmiut karsia ulorianartorsiortinngikkaluarlugu aningaasaqarnerminik pitsanngorsaasariaqartoq.

Aningaasaqarnikkut ajutooqqusinnginneq

Aningaaserivik angisuujummat inuiaqatigiit aningaasaqarnikkut ajutoortoqarsinnaanera nammassinnaanngilaat. Aningaaseriviit allat marluk inuiaqatigiit aningaasaqarnerannut pingaarutillit piumaffigineqarsimapput, inuiaqatigiit aningaasaqarnerannut sunniuteqartarnertik pissutigalugu aningaasaqarnerminnik pitsanngorsaaqqullugit.

- Piumasaqaatit nutaat takkutilersut nalunnginnatsigu, 1 milliard koruuninik taarsigassarsiniartariaqarsimavugut. Taarsigassarsiat ukiumut 20 millioner koruunit missaannik uagutsinnut aningaasartuutaasassapput, aningaasallu taakku sullitatsinnit aasariaqarpavut, BankNordikimi pisortaaneq Árni Ellefsen Sermitsiaq.AG-mut ilisimatitsivoq.

Naatsorsuutissinni allanngulaartoqarnissaa matumani pineqaannanngila?

- Naamerluinnaq. Uagutsinnut taakku aningaasarpassuupput, aningaaserivimmi pisortaq erseqqissaavoq .

Ugguartoq

Finanstilsynip ullumi aningaasaqarnikkut allatut ingerlatsinissatsinnik piumasaqarnera uggoraa. Piumasaqartoqarneranut pissutaavoq, ajutoortoqarsinnaaneranut siunnersuisoqatigit pilersinneqarsimanerat, taakku aningaaserivissuarnut pingasunut piumasaqaatit Savalimmiuni innuttaasunut qanoq kingueqassanersut misissussavaat.

- Aningaaseriviit aningaasartuutaasa qaffakkiartorneranni aningaasaqarnikkut allatut ingerlatsinissamut piumasaqaat, ineriartortitseqqiinissamut aningaasaliissuteqartarnermut eqquissaaq Árni Ellefsen, siunnersuisoqatigiit inerniliussassaanut politikkerillu nalilrsuinissaannut qilanaartoq oqarpoq.

Piffissaqartinneqarneq

Aningaaserivimmi pisortap ilisimatitsissutigaa, aningaaserivk aningaasaqarnikkut allatut ingerlatsilernissamut 2021-p tungaanut piffissalerneqarsimasoq. Tassa ukioq ataaseq ukiulluunniit marluk qaangiuppata sullitat aningaasartuuteqarnerulernissartik aatsaat malugilissavaat.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER