BankNordikip naatsorsuutigisani annertusigai
BankNordikip 2021-mi akileraarutit peereerlugit ukiumut angusassaminut naatsorsuutini 150-200 millioner koruuniniit 190-220 millioner koruuninut annertusisimavai.
Aningaaseriviup pitsaanerujussuarmik ukiumut angusaqarnissamik isumaqarneranut nassuiaataapput: nalikilliliisimanerit annikinnerunerat, tamatumunngalu peqatigitillugu tunngaviusumik isertitarisartagkkat pitsaanerulaalersimanerat, aningaaseriviup ataasinngornermi ullaakkut fondbørsenimut nalunaarutaani tamanna atuarneqarsinnaavoq.
Tunisaqarneq ataasiartumik isertitsissutaalluarsimasoq
- Aningaaserivik Danmarkimi immikkoortortaqarfimminik 2021-mi februaarip aallaqqaataani tunisaqarmat, akileraarutit peereerlugit ukiumut angusassanut naatsorsuuteqarnermi ataasiartumik isertitaqarluarnissaq naatsorsuutigineqarpoq, tassani tunisaqarnermit akileraarutit peereerlugit 90 millioner koruuninik iluanaaruteqarnissamik naatsorsuuteqarneq pissutaanerulluni, aningaaserivimmit ilisimatitsissutigineqarpoq.
Aningaaseriviup 2021-mi ukiup affaanut siullermut naatsorsuutini ulloq 4. august 2021 tamanut saqqummiutissavai.