Skip to main content

BankNordikip iluanaarutit aktiaatilinnut agguaanniarunnaarai

BankNordikip ileqquusumik ataatsimeersuarnissaq aqangu ingerlatiinnarniarlugu aalajangersimavoq, coronallu ajornartorsiortitsinera eqqarsaatigalugu siunnersuutigineqarniarpoq, iluanaarutinik aktiaatilinnut agguaassisoqassanngitsoq.

67,2 millioner koruunit aktiaatilinnut agguaanneqanngiinnassapput, BankNorkimit nalunaarummi atuarneqarsinnaavoq, aningaaserivik ataatsimeersuarnissap kinguartinneqarsinnaaneranut akuersissummik pissarsisimannginnami, aqangu Thorshavnimi ileqquusumik ataatsimeersuartariaqarpoq.

- COVID-19-ip qanoq sivisutigisumik atuunnissaa qanorlu annertutiginissaa ilisimaneqanngimmat, maanna pissutsit suliffeqarfissuup ingerlataanut assigiinngitsunut, taamalu suliffeqarfissuup aningaasaqarnikkut angusaanut piffissaq ungasinnerusoq eqqarsaatigalugu qanoq kinguneqassanersut siumoortumik oqaatigineqarsinnaanngilaq.

Illersorneqarsinnaasumik ingerlatsinissaq

- Siulersuisut taamaalillutik maanna pissutsit taamatut isikkoqartillugit iluanaarutinik agguaassinissaq illersorneqarsinnaasutut isiginngilaat, aningaaserivimmi siulersuisut marlunngormat ualikkut tusagassiorfinnut nalunaaruteqarnerminni allapput.

Erseqqissaassutigineqarpoq, ukioq manna ajornartorsiut unikaallatsinneqassappat pissutsillu pitsaanerulissappata, iluanaarutit agguaanneqassanersut pillugu siulersuisut isummerumaartut.

- Tassa aningaaseriviup iluanaarutinik agguaassisarnera allanngortinneqanngilaq, aningaaserivimmit erseqqissaatigineqarpoq.

Taamaalilluni aqangu ataatsimeersuarnissaq, siulersuisuni siulittaasup Stine Bossep siulittaasutut ingerlaqqikkusunnani nalunaaruteqarsimasup naggammik peqataaffigissavaa.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER