Skip to main content

BankNordik: Arlallit initaarniarlutik aningaasanik taarsigassarsisalerput

BankNordikip nalunaarutigaa, ukiup affaani siullermi aningaaseriviup ineriartornera ingerlalluartoq, ilaatigut aningaaseriviup Kalaallit Nunaanni ingerlatsinera ineriartorluarluni.

BankNordikip Kalaallit Nunaanni ingerlatsinera 2021-mi ukiup affaani siullermi ingerlalluartoq, aningaaserivimmit ukiup affaanut naatsorsuutinik saqqummiussinermut atatillugu oqaatigineqarpoq.

- Kalaallit Nunaanni bankip immikkoortortaqarfiani sullitanut privatinut inuussutissarsiortunullu realkreditimik taarsigassiinerit annertuseriarsimapput, 2020-milu piffimmut tassunga naleqqiullugu tunngaviusumik isertitat 16%-imik annertuseriarsimapput, aningaaserivik pingasunngormat nalunaaruteqarluni allapoq.

Aalajangersimasumik pigisassanut, nalinginnaasumik inissamik pisisoqarlunilu tunisaqarnermut imaluunniit nutaamik sanaartornissamut realkreditimik taarsigassarsisitsisoqartarpoq.

Aningaaserivimmi pisortaanerup ilanngullugu oqaatigaa, sullitat amerlanersaasa nappaassuup tuniluunnerata ilungersunartorsiortitsinera qaangerluarsimagaat:

- Sullitatta siunnersornissaat pingaarnertut suliassaraarput, taamaasillutik aningaaserinermut tunngatillugu ulluinnarni isumagisassanik ingerlatsilluarnissaat kiisalu aalajangigassanut annertunerusunut piareersimanissaat qulakkiissagatsigu. COVID-19 pissutaalluni sullitavut ilungersunartorsiorsimasut siunnersorlugillu ikiorsinnaasimavagut, nuannaarutigaarpullu taakkua amerlanersaasa nappaassuup tuniluunnerata ilungersunartorsiortitsinera qaangerluarsimammassuk.

- Aammattaaq nuannaarutigaarput ukiormanna ukiup affaani siullermi Kalaallit Nunaanni sullitassanit nutaanit ornigarneqarsimanerput, Árni Ellefsen, BankNordikimi pisortaaneq oqarpoq.

Naatsorsuutit inerneri pingaarnersiukkat:

  • Akileraarutit sioqqullugit inernerat tassaavoq 192 mio. kr., taakkunannga
    90 mio. kr. Danmarkimi immikkoortortaqarfiup tunineranit pisuupput.
  • Appartitsinerit sioqqullugit ingerlatsinerup inernera 85 mio. kr.-uvoq, 2020-
    mi piffimmi tassani 64 mio. kr.-ulluni.
  • Taarsigassarsiarititanik appartitsinernik utertitsineq ilanngaatissat
    ilanngaatigereerlugit 23 mio. kr.-uvoq, 2020-milu piffimmi tassani -2 mio.
    kr.-ulluni.
  • Ingerlatsinerup inernera 109 mio. kr.-uvoq, 2020-milu piffimmi tassani 62
    mio. kr.-ulluni.
  • Bankip taarsigassarsisitsinera 2020-mi piffimmi tassani 7,5 mia. kr.-usima-
    soq qaffariarsimavoq 7,6 mia. kr.-ulerluni.
  • Bankip realkreditimik taarsigassarsisitsinera 2020-mi 2,1 mia. kr.-usimasoq
    2,5 mia. kr.-inut qaffariarsimavoq.
  • Bankip uninngatitai 7,7 mia. kr.-upput, 2020-milu piffimmi tassani 7,6 mia.
    kr.-ullutik.
  • Akiliisinnaassusaa 2020-mi piffimmi tassani 24,0%-iusoq, 2021-mi 31,3%-
    inut qaffariarsimavoq.
  • Siulersuisut naatsorsuutigaat ilanngaatissat ilanngaatigereerlugit 2021-mi
    inernerat 190 - 220 mio. kr.-p nalaaniissasoq.

Pissarsiffik: BankNordik

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER