Skip to main content

Banknordik: 2019 naggaserluarneqartoq

Banknordik kvartalit sisamaanni ima ingerlalluartigaaq, piginneqataassutinik piginnittuni maanna neriorsorsinnaalerlugit ukioq tamaat eqqarsaatigalugu angusat ilanngaatissat peereerlugit 195 aamma 201 millioner koruunit akornanniissasut

Banknordik ullumi pingasunngornermi aningaasanik niuerfinnut nalunaarutigisinnaalerpaa, 2019-imi ilanngaatissat peereerlugit angusat aningaaseriviup siusinnerusukkut missingiinerata pitsaanerusortaani inissisimassasut.

Siusinnerusukkut ilimagineqarsimagaluarpoq ukioq tamaat eqqarsaatigalugu ilanngaatissat peereerlugit angusat 170 aamma 210 millioner koruunit akornanniissasut. Maanna missingiutit appasinnersaat 25 millioner koruuninik qaffanneqarput, taamalu angusat 195 aamma 210 millioner koruunit akornanniilissallutik, aningaasanik niueruteqartarfimmut børsimut nalunaarummi atuarneqarsinnaavoq.

Nalikilliliinerit suli pitinnagit 2019-imut ingerlatsinermi angusanut ilimagisat siusinnerusukkut nalunaarutigineqartunit 160-200 millioner koruuninit maanna 175-180 millioner koruuninut iluarsineqarput.

Nassuiaat

Tamatumunnga nassuiaatigineqartut tassaapput sullitat ulapaarluarsimanerat aningaaseriviullu sillimmasiisarnikkut ingerlataanut kvartalit sisamaanni ingerlalluartoqarsimanera, taama paasissutissiisoqarpoq.

Taama nalunaaruteqartoqarnerani eqqaamaneqassaaq aningaaseriviup ukiup ingerlanerani ingerlatsinikkut siunissami aningaasarsiorneq nukittorsarniarlugu aaqqissuussaanikkut  naleqqussaanermut atugassanik immikkut ittumik ataasiaataasumillu 13 millioner koruuninik  aningaasartuuteqartussanngortitaasimanera.

- Ataasiaataasimik aningaasartuutit taaneqartut  pisimagaluartut 2019-imut ilanngaatissat peereerlugit  angusarineqartussatut ilimagisat naammagisimaarinnilluta iluarsiissuteqarfigisinnaanngorpavut, taakkualu taamaalillutik siusinnerusukkut nalunaarutigineqartut qaffasinnerusortaanni inissisimalerlutik, Banknordikip pisortaa, Árni Ellefsen paasissutissiivoq.

Naatsorsuutini kisitsisit inaarutaasut paasissutissanik allanik ilaqartut 2019-imut ukiumoortumik nalunaarusiami, februaarip 27-ani 2020-mit tamanut saqqummiunneqartussami, atuarneqarsinnaassapput, børsimut nalunaarummi naggataatigut paasissutissiissutigineqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER