Skip to main content

BankNordik uninngasuuteqarnermut ernianik akiliisitsisalissasoq

BankNordik pilersaarusiamik aningaasartuutit ikililerneqaatigisassaannik aningaaseriviullu isertitaasa 40 millioner koruuninik amerlissutigissassaannik saqqummiussivoq. Tamanna ilaatigut inuinnaat sullitat 2020-mi marsimiit uninngasuuteqarnermut ernianik akiliuteqartalernerannik kinguneqassaaq

Malugiuk: Nutarterneqartoq nal. 8.34, aaqq.

BankNordikimi sullitat inuinnaat, 500.000 koruunit sinnerlugit uninngasuuteqartut, 2020-mi marsip 1-anit uninngasuuteqarnerminnut ernianik 0,75 procentimik akiliuteqartalissapput. Tamatuma saniatigut soraarnerussutisiassanut uninngasuutit ernianik assingusumik akiliuteqassutaasalissapput, tamatumanilu aningaasanik minnerpaaffiliisoqarsimanngilaq.

Tusagassiuutinut nalunaarummi oqaatigineqarpoq, meeqqat inuusuttullu 29-t ataallugit ukiullit uninngasuutinut ernianik akiliuteqartitsisarnermut ilaatinneqanngitsut, taarsiulluguli kontoni toqqorteriffiusuni soraarnerussutisiassanilu erniaqatitsivigineqassasut 0,00 % p.a.-mik.

Tamatuma peqatigisaanik BankNordik paasissutissiivoq, taarsigassarsisitseriaatsit sorliit ernianik appartitsinermut ilaatinneqarnissaat suli aalajangiunneqanngitsoq, kisiannili tamanna qaammatit tulliuttut ingerlaneranni nalunaarutigineqarumaartoq.

Aningaaserivimmi iluaqutissanut pilersaarut aamma allanngortinneqassaaq, taamaalillunilu qaffasissutsit marluinnaat siunissami tunngavigineqalissallutik, sullitallu – pisuut – nutaat Private Bankingimik neqeroorfigineqartarunnaassasut. Aningaaserivik tamatuma saniatigut Danmarkimi immikkoortortaqarfinnik marlunnik matusissaaq.

Sulisut qulit soraarsinneqassasut

Allannguutit malitsigisaannik aningaaserivik sulisunik qulinik soraarsitsissaaq atorfiillu inuttaqanngitsut arlallit atorunnaarsinneqassallutik. Ingerlatseqatigiiffiup nalunaarutaani BankNordikip nassiussimasaani sulisunik ikililerineq Kalaallit Nunaannik eqquissanersoq paasissutissiissutigineqanngilaq.

BankNordikip sipaarniarneq erniat appasinnerannik, niuerfimmi atugassarititaasut allanngorsimanerannik aningaasaatinullu piumasaqaatinink nutaanik tunngaveqarnerarpaa.

- Inuinnaat sullitatta aningaaserivimmi ileqqaagaqarnerminnut maannamut akiliuteqartariaqarsimannginnerat nuannaarutigaarput. Uninngasuutinulli erniaqatitsisarnerit ingerlaannartussatut isikkoqarput, aalajangiiniarnerlu ajornaatsuinnaasimanngikkaluartoq soraarnerussutisianut ileqqaakkani inuinnaallu toqqortigaanni 500.000 koruuninit amerlanerusuni uninngasuuteqarnermut erniaqalersitsinissaq toqqartariaqalersimavarpu. Taamaaliornerput pingaartumik aningaaserivittut akisussaassuseqrtutut nioqqutinik aningaasanik annaasaqaatigisatsinnik neqerooruteqartuaannarsinnaannginnitsinnut tunngassuteqarpoq”, BankNordikip pisortaanera Árni Ellefsen, ingerlatseqatigiiffittut nalunaaraummi Kalaallit Nunaata nalunaaqutaa naapertorlugu ullaakkut nassiunneqartumi, oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER