Skip to main content

BankNordik naatsorsuutiminik sisamassaa qaffaasoq

Nunarsuarmi aktiat 2020-mi corona tuniluutilermat nalikillingaatsiarsimapput. Tamatumali kingorna aktianik niuerfiit naleqqussarsimapput, tamannalu BankNordikip 2020-mut ukiumoortumik angusaanut sunniuteqarsimavoq.

Aningaaserivik ilaatigut aktiat aqqutigalugit nalilipilussuarnik uninngasuuteqarpoq. Aningaasanik niuernerup ingerlalluarnera BankNordikimut iluaqutaasimammat, aningaaseriviup ukiumoortumik angusassatut naatsorsuutini sisamassaannik annertusitissimavai – 140-160 millioner koruuniniit 160-170 millioner koruuninut.

2020-mi apriilip qaammataani aningaaserivimmit ernummatigineqarsimavoq, coronap tuniluunnerata isertitassat annikillisingaatsiassagai, taamaammallu ukiumut angusassatut naatsorsuutini annikillisissimallugit. Tamatuma kingorna angusassatut naatsorsuutigineqartut juunip 24-ani, juulip 16-iani oktobarillu arfineq-aappaani qummut iluarsineqarsimapput, kingullertillugu ukiumi nutaami qummut iluarsineqaqqillutik.

BankNordikimit ilisimatitsissutigineqarpoq, 4. kvartalimut naatsorsuutit februaarip 25-ani saqqummiunneqassasut, erseqqissaatigineqarporlu BankNordip Danmarkimi suliarisartakkamininik Spar Nordimut tunisaqarnera 2020-mut angusassatut naatsorsuutigineqartunut sunniuteqassanngitsoq. Isumaqatigiissut oqartussanit suli inaarutaasumik akuersissutigineqarsimanngilaq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER