BankNordik ingerlalluartoq

BankNordikip ukiormanna ukiup sisamararterutaani siullermi naatsorsuutit saqqummiuppai, akileraarutillu suli peernagit 118 millioner koruuninik angusaqarsimalluni, siorna corona nunarsuarmi tuniluutilerluni niuerfinnik eqqueriasaarmat piffissamut pineqartumut sanilliullugu pitsaanerusumik angusaqarsimalluni.

BankNordikimi pisortaanerup Árni Ellefsenip tusagassiorfinnut nalunaaruteqarnermi ilisimatitsissutigaa, Kalaallit Nunaanni sullitat attavigilluartarnerat bankip niuernikkut ingerlatsineranik pitsaanerulersitsisimasoq.

Sullitat eqeersimaarluarsimasut

- Ukiup sisamararterutaani siullermi sullitat assut eqeersimaarsimapput, appartitsinerillu sioqqullugit ingerlatsinerup inernera 2020-mi piffimmut tassunga naleqqiullugu 36%-inik qaffariarsimavoq, aningaaserivik nunarsuaq tamakkerlugu tunillaassuunnerup siunissami ungasinnerusumi kingunissai suli nalunartortaqaraluartut” oqaatigalugu allappoq.

- Aningaaseriviup ukioq 2021 neriulluarfigaa, aammalu ukiumi aggersumi Kalaallit Nunaanni suli ineriartortitsinissamik periarfissaqarluarpoq, aningaaserivimmi pisortaaneq, Savalimmiuni Kalaallillu Nunaanni sullitaminnik ukkataqarneruniarlutik siorna Danmarkimi immikkoortortaqarfimminnik tunisisariaqarsimasoq allappoq.

Kisitsisit pingaarnerit

• Akileraarutit sioqqullugit inernerat tassaavoq 118 mio. kr., 2020-mi piffimmi
  tassani -30 mio. kr.-usoq.
• Appartitsinerit sioqqullugit ingerlatsinerup inernera 38 mio. kr.-uvoq, 2020-
  mi piffimmi tassani 28 mio. kr.-usoq.
• Taarsigassarsiarititanik appartitsinernik utertitsineq -3 mio. kr.-uvoq, 2020-
  milu piffimmi tassani -18 mio. kr.-ulluni.
• Ingerlatsinerup inernera 35 mio. kr.-uvoq, siornalu piffimmi tassani 10 mio.
  kr.-ulluni.
• Bankip taarsigassarsisitsinera 2020-mi piffimmi tassani 7,4 mia. kr.-
  usimasoq 7,5 mia. kr.-nut qaffariarsimavoq.
• Bankip uninngatitai 7,5 mia. kr-iupput, taamaasillutillu 2020-mi piffimmi tassa-
  ni qanoq innerat naleqqatigalugu.
• Akiliisinnaassusaa 2020-mi qaammatini siullerni pingasuni 23,4%-iusoq,
  2021-mi piffimmi tassani 33,9%-inut qaffariarsimavoq.
• Siulersuisut naatsorsuutigaat ilanngaatissat ilanngaatigereerlugit 2021-mi
  naatsorsuutit inernerat 150-200 mio. kr.-ip nalaaniissasoq (2020: 166 mio.
  kr.).