BankNordik 50.000 koruuninik ilinniartunut tunniussaqarpoq
Nunani allani misilittagaqarnerulernissamik siunertaqartunut marlunnut BankNordic ilinniartunut marlunnut novembarimi 25.000 koruuninik tunniussaqarpoq
Elias Rotvig Rowedder aamma Aviannguaq Kreutzmann novembarimi tupaallannartumik tusarlerneqarput, taakkumi paasivaat BankNordicimit legatimik tunineqassallutik. Taakku tamarmik 25.000 koruuninik, ilinniarnermut oqilisaassutissanik tunineqarput. BankNordic tusagassiutinut nalunaarummini allappoq.
Aviannguaq Kreutzmann Københavnimi ilinniartuuvoq maannakkulli Dronning Ingridip Napparsimmavissuani suliffimmik misiliilluni. Elias Rotvig Rowedder University of Manchesterimi Englandimiittumi ilinniarpoq, taassumallu aningaasat tunniunneqartut ilinniarnermini aningaasartuutinut atussallugit aalajangereerpoq.
Ilinniartut tunineqartut marluullutik Kalaallit Nunaannut ilinniakkaminnik naammassinnereerlutik uterunik ilisimasatik atorluassamaalereerpaat.
Inuiaqatigiinnut iluaqutaasussat
BankNordikip legatinik tunniussisarnermini taakku ilaatigut pissutaatittarpai. Nuummi BankNordikimi sullitanut sullissinermi pisortaq nassuiaavoq.
- Inuusuttut ilinniagaqarnissaat inuiaqatigiinnut pingaaruteqarpoq, tamatumuunalu tapersersueqataasinnaanerput nuannaarutigaarput. Kinguaariit tullinnguuttut pikkoriffiisa ilinniagaasalu qaffassarneqarnissaat pisariaqarpoq. Legatimik tunniussisarnerput aqqutigalugu ilinniarnerminnik naammassisartut amerlanerunissaannut sunniuteqaqataasinnaagutta angorusutarput angusimassavarput, René Sørensen oqaaseqarpoq.
Ilinniartuugaanni ilinniarnermilu aningaasaqarnerup oqilisaanneqarnissaa kissaatigigaanni legatimut aappaagu qinnuteqartoqarsinnaavoq. Qinnuteqarfissaq kingulleq tassaavoq martsip aqqaneq-aappaat.