Bagger: Siunnersuisoqatigiinni isumaqatiginninniaqataarusuppugut
Ane Lone Baggerip Issittumi Siunnersuisoqatigiinni ”demokratimik amigartooruteqarnerup” iliuuseqarfigineqarnissaa ilungersuutiginiarpaa, sulimi nunat inoqqaavi killilimmik sunniuteqarsinnaammata.
Aleqa Hammond ataatsimeeqataanngitsoorpoq.
Taamanikkut Naalakkersuisut siulittaasuata perulluliuutaaqisumik ataatsimiinnissarlu nallilivissoq Issittumi Siunnersuisoqatigiinni ministerit 2013-imi ataatsimiinnissaat peqataaffigiumajunnaarpaa.
Taassuma taamani kamaatigaa, Nunatta namminerisaminik siunnersuisoqatigiinni ilaasortaatitaqannginnera taamalu Danmarkip tunuatungaanut pilluni peqataasarnera.
Aviisi AG allappoq.
Nutaamik mattussisoqarnissaa ilimananngikkaluarpoq, Naalakkersuisulli maanna atuuttut eqqarsaatersuutigaat Danmark sakkortuumik nutaamillu tatiniarneqassasoq, tassa Issittumi Siunnersuisoqatigiinni oqaasissaqarnerulernissartik anguniarlugu.
- Uagulli naalagaaffimmi issittormiutut inissisimanerput Issittumi Siunnersuisoqatigiinni
sunniuteqarnitsinni suli ersersinneqanngilaq, ileqquusuni aamma piviusuni.
- Suli danskit politikerii atorfillillu naalagaaffeqatigiit Issittumi politikiannut oqartussaapput, Naalakkersuisuni ilaasortaq nunanut allanut tunngasunut akisussaasoq Ane Lone Bagger, Naalakkersuisut Nunanut Allanut tunngasutigut naalakkersuinikkut ingerlatsineq pillugu nassuiaataanni allappoq.
Allaaserineqartoq aviisimi AG-mi tamakkiisumik atuaruk. Aviisi uani pisiarineqarsinnaavoq: