Island Games
Badminton-ertartut normu 5-inngorput
Holdikkaarluni unamminermi badminton-ertartut normu 5-inngorput
– Ippassaq angusat kingorna holdikkaarluni unamminermi normu 5-inngorniarsimavugut. Unamminerni siullerni pingasuni sukalasuunik unammisitsivugut, unamminerlu naammassimmat unammisartut paarlappavut, unammisartullu unammivallaarsimanngitsut periarfissippavut.
Taamatut Sermitsiaq.AG-mut oqaluttuarpoq badminton-imi nunanut allanut unammisartut sungiusaasuat Rune Svenningsen, holdi normu 5-inngoreersorlu.
Maannakkuminngaanniillu kisimiilluni unamminerit ingerlanneqalissapput.
– Kisimiilluni unammiuaarnermi unamminerpassuit ingerlanneqassapput. Ajornakusuussaaq, unammisartuvulli periarfissaqarsinnaapput, Rune Svenningsen oqarpoq.
Marlunngornermi arnat kisimiillutik angutillu iligiiaarlutik unamminerat aallartissaaq, pingasunngornermilu angutit kisimiillutik unamminerat aallartissalluni.