Skip to main content

B-67-it nukappiarartaat Italiamiunut pissartanngorniullutik unammissapput

Nukappiaqqat qulinik ukiullit Nuummeersut ullumi Italiamiunut unammisartunut Verona Cupimi unammissapput. Nukappiaqqat qilanaarput, pissartanngorniunnermilu uani unamminerit sisamaasunit sisamat ajugaaffigigatsigit pitsaasumik tupaallaatigaarput, sungiusaasoq Ole Rasmussen oqarpoq.

Isikkamik arsarluni nunanut allanut unammisartut teknikimut tunngatillugu aamma piumassuseqarnera nunani tamalaani isikkamik arsarnermi kisimik takutitsisanngillat.

Nuummi arsartartut, B-67-ip nukappiarartaat U11-t nunani allani pissartanngorniunnermi ajorsaratik unammipput. B-67-neersut U11-t akunnerup affaata missaa qaangiuppat unammissapput, tassanilu Verona Cupimi sapaatip akunnerani matumani ingerlanneqartumi, pissartanngorniutivinnermi Italiamiunut unammissapput.

- Unammisartuvut tupaallannartumik pissartanngorniunnermi matumani ingerlalluarput. Unammisaat teknikikkut pikkorikkaluarlutik, sukkasuumik saassussisaraluarlutik aamma isertitseriartaraluartut, unammisartuutivut unamminerni sisamani ajugaapput, U11-ni sungiusaasoq, Ole Rasmussen oqaluttuarpoq.

B-67-it U11-t Verona Cupimut ilaapput, tassani unammisartut arlallit nunanit arlalinneersut peqataapput. Maannamut Nuummeersut Italiamiunut unammisartunut iligiinnut sisamanut unammereerput, taakkulu tamaasa ajugaaffigaat.

Pissusissamik eqquisinnaaneq aamma iligiittut unammineq

Verona Cupimi pissartanngorniutivinneq Italiami nalunaaqutaq malillugu 17.20 aallartissaaq. Tassa imaappoq, nunatsinni nalunaaqutaq 13.20. Unammineq minutsit 15-it marloriarlugit sivisussuseqassasoq, Ole Rasmussen ilisimatitsivoq, unamminermilu naligiittoqassappat strafferluni isertitseriartoqassaaq.

- Nukappiaqqat sungiusarnernut tamanut peqataallutik pissusissamik eqquisinnaanerat pingaartittorujussuuarput, tamatumalu peqatigisaanik kikkut peqataatillugit iligiittut unammisinnaanerat ukkataraarput. Tamannalu maanna akilerpoq, nukappiaqqat nuannisarluinnartut takusinnaavarput, tamatumalu saniatigut unamminermi ajorsarnatik unammisaqattaarput, Ole Rasmussen oqarpoq.

B-67-ip aappaagu peqataaqqinnissamut qinnuteqarnissani isumaliutigigaa, taanna ilisimatitsivoq.

- Nukappiaqqat aallarsinnaanerannut angajoqqaat, pingaartumillu arsartartut arnaat pissutaalluinnarput. Aningaasaliisussanik nassaarniarlutik ilungersornikuupput aningaasanillu katersillutik. Iligiillu angajoqqaavi aamma unamminerni nukappiaqqat illersorlugit nipitunersaapput, sungiusaasoq oqarpoq.

Iligiit sisamanngorpat angerlassapput.

Nuummi innuttaasunik nutaanik tikilluaqqusineq

Kommuneqarfik Sermersuumit Nuummi innuttaasut nutaat tamarmik tikilluaqqusinissamut qaaqqusaapput, tassani Nuuk ilisimasaqarfiginerulernissaanut periarfissaqarputit.

...

Imminut toqunnissamik pitsaaliuineq pillugu Nuummi oqaluagiartoqarnera iluatsilluartoq

Ulloq februaarip 11-anni imminut toqunnissamik pitsaaliuineq qitiutillugu paasisitsiniaalluni Nuummi Katersortarfimmi oqalugiartoqarmat, inuit 100-t tungaannut takkupput.

...
OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

Seneste Ugeavis

SENESTE NUUK - NYHEDER