AWG: Russit Kalaallit unammilligassarinerpaavaat
Nuummi Arctic Winter Games ingerlanneqarnerani kalaallit nerrivimmik arsaararlutik unammisartuisa unammisatik tamaasa ajorsartippaa. Ukioq mannali ukiuunerani unammiuaarnerni Russinit unammillerneqangaatsiassapput
Annonse
- Nerrivimmi arsaararnermi russit pikkorissupilussuupput, taamaammat Arctic Winter Gamesertoqarnerani unamminerit pissaganarnissaat naatsorsuutigaarput.
Nerrivimmi arsaarartartut sungiusaasuat Niels Nielsen Sermitsiaq.AG-mut taama oqarpoq.
Ukiummi marluk matuma siorna Arctic Winter Games Nuummi aaqqissuunneqarmat, russit peqataatitaqanngillat. Tassani Kalaallit Nunaat nerrivimmi arsaararnermi kuultit sølvillu tamaasa pissarsiarai.
AWG-imi nerrivimmi arsaarartartut peqataasut:
- Pavia Jerimiassen
- Kunuunnguaq Mørch
- Oscar Hammeken
- Bruno Simonsen
- Arnakkuluk Nielsen
- Aviana Rødgaard
- Tiinannguaq Petersen
- Julianne Schmidt
Medaaliannakkumaartut
Taassuma ernutaa 17-nik ukiulik Arnakkuluk Nielsen Sisimiormiu Arctic Winter Gamesimi peqataaqqaarpoq.
- Peqataaneq pissaganassaaq. Russit unamminissaat aamma pissaganassaaq, taanna AWG-imi medaaliannannissamik neriuuteqarluni oqarpoq.