Skip to main content

AWG2016-imut Brugseni aningaasaleeqataavoq

2016-imi Arctic Winter Games-it Nuummi ingerlanneqarneranni peqataasut nerisaqartinnissaat Brugsenip isumagissavaa

Kalaallit Nunaanni Brugseni aamma Arctic Winter Games 2016 isumaqatigiissut Nanoq-mik taaneqartartoq atsiorpaat. Tamanna Brugsenimit tusagassiorfinnut nalunaarutikkut paasissutissiissutigineqarpoq.

AWG-p nittartagaa maillugu Tele-Post, Grønlandsbanken, Air Greenland, Nuna Fonden, Moving Minds maannalu aamma Nanoq aningaasaliisuussapput - tamatuma saniatigut Nanoq-p aningaasaliineranut atatillugu Mittarfeqarfiit isumaqatigiissuteqarfigineqarsimapput, tamatumalu kinguneranik timmisartumik angalasut mittarfimmut akitsuummut akiliissanngillat.

Nanoq-p aningaasaliissutai amerlangaatsiarput, SWG2016 naapertorlugu minnerpaamik 1 million koruuninik naleqartoq.

–Kalaallit nerisassaataat pitsassuit sassaalliutigissavagut. Nerisarisartakkagut mamarluinnarput, kulturitsinnullu attuumalluinnarlutik, tassaasoq aalisarneq piniarnerlu, pisortaq Susanne Christensen tusagassiorfinnut nalunaarut naapertorlugu oqarpoq.

– Kulturi timersornerlu tapersersorpagut. Aaqqissuussinerup ingerlanerani pisiniarfitsinniik qullersaqarfimmiillu peqataatitsissaagut. Arctic Winter Games tassaavoq aaqqissuussineq nunatsinnut tamanut sunniuttussaq taamaattumik sineriatsinniit peqataasoqarnissaa pingaartipparput, KNB-p pisortaa oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER