Skip to main content

AWG2016-imi suleqatasut kavaajassaat nunani allani suliffeqarfimmut isumagisassanngortinneqartut

Jakob Berthels, Nukatut ilisimaneqartoq, Nuka din tøjmandimik piginnittoq, jakkinik aaqanngitsunillu 2900-nik neqeroorutimi AWG2016-ip qullersaqarfianit itigartinneqarmat, mamaatsoorpoq. Atisat aappaagu unammiuaarnerni kajumissutsimik suleqataasunit sulisunillu atorneqartussaapput

Jakob Berthels, Nukatut ilisimaneqartoq, Nuka Din Tøjmandimik piginnittoq, jakkinik aaqanngitsunillu 2900-nik, Arctic Winter Games 2016-imi atorneqartussanik, neqeroortitsisoqarnerani neqeroortunut arlalissuarnut ilaavoq. 

Nuka Din Tøjmandip aamma AWG2016-ip akornanni isumaqatigiinniartoqanngilaq, taamaallaalli E-mail aqqutigalugu oqaaseqatigiit ataatsit oqaatigineqarlutik, tassanilu allassimalluni AWG2016-ip pisiniarfimmit neqeroorutit itigartissimagai.

- Neqeroorutima sooq akuerineqannginneranut tunngavilersuuteqarfigineqanngilanga. Taamaalillutillu neqeroorutinnik uagutsinnut isumaqatigiinniaqqaarnatik itigartitsinerat ajorluinnarpoq, Jakob Berthels oqarpoq.

Pisortat aningaasaataat 350.000 koruunit sinneqartut jakkinut aaqanngitsunullu fleecenut atorneqartussaapput.

- Pisortat aningaasaataasa nunami maani kaaviiaartinnerannut taarsiullugu nunatsinniit avammut eqqaavugut. Akileraarutinik akiliisarput, taamaattumik AWG2016 najukkami pisiniarfinnut aningaasanik aningaliissuteqaraluarpat tamanna pitsaasuussagaluarpoq, Jakob Berthels oqarpoq.

AWG2016-ip pisortaanera Maliina Abelsen oqarpoq, aningaasarpassuit pineqarmata aningaasat isumatuumik atorneqassasut.

- Pisortat aningaasaataannik atuivugut. Taamaattumik suliffeqarfik pitsaanerpaamik aningaasaqarnikkullu illersorneqarsinnaanerpaamik neqerooruteqartoq toqqarparput, Maliina Abelsen oqarpoq.

Allaaserineqartoq tamaat Nuuk Ugeavisimi atuarneqarsinnaavoq. Aviisi ataani akeqanngitsumik aaneqarsinnaavoq:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER