Arctic Winter Games

AWG-mi peqataasussat tamarmik unnuap-qeqqartinnagu Nuummut tikissapput

Timmisartuusseqattaarneq ima ingerlalluartigaaq maanna ilimanarsilluni Arctic Winter Gamesimi peqataasussat tamarmik, Kangerlussuarmi saperngoqqasut, unnap-qeqqartinnagu Nuummut apuunneqassasut

Sam Grønvold kontroltårnimi sulivoq
Air Greenlandip timmisartuusseqattaarnera ingerlalluartorujussuuvoq
Sam Grønvold kontroltårnimi sulivoq Martine Lind KrebsAir Greenlandip timmisartuusseqattaarnera ingerlalluartorujussuuvoq Martine Lind KrebsSam Grønvold kontroltårnimi sulivoq Martine Lind KrebsAir Greenlandip timmisartuusseqattaarnera ingerlalluartorujussuuvoq Martine Lind KrebsSam Grønvold kontroltårnimi sulivoq Martine Lind KrebsAir Greenlandip timmisartuusseqattaarnera ingerlalluartorujussuuvoq Martine Lind Krebs

Timmisartut Dash 8-t maannakkorpiaq Kangerlussuarmit aallartartut tassungalu mittartut ima akulikitsigaat, malinnaaffigiuminaallutik.

Air Greenlanip, Mittarfeqarfiit Kangerlussuarmilu kajumissutsiminnik ikiuuttut piginnaasaqarluarnertik maannakkorpiaq takutippaat.

Minutsit 11-t

Timmisartut nunamiittarnissaat naatsorsuutigineqarsimagaluarpoq minutsinik 25-30-nik sivisussuseqartassasoq, massakkulli minutsit 11-t missaanniipput - timmisartup motoorini ikumatillugit terminalimut iserneraniit ilaasoqarluni aneqquttarneranut.

Piffissaq sivikitsuinnaq atorlugu

Tamanna taamaallaat pisinnaavoq kikkut tamarmik pitsaanerpaamik suleqatigiimmata. Usilersuisartut kuffertit sukkasoorujussuarmik ikiorarpaat, ilaasussat misissorneqartarput piareersimasarlutillu timmisartoq mittarfimmut anillakkaangat. Allaammi timmisartup matui ammarneqaraangata mittarfikkut arpaannaq ikiartortarput. Timmisaratorlu orsersorneqartarpoq misisssorneqarlunilu piffissaq sivikitsuinnaq atorlugu.

Piumassuseqarneq

Tamanna trafikassistenip nakkutilliisarfimmi kontrolrummimi issimasup nassuiarpaa.

– Tamanna peqatigalugu timmisartortartuvut piumassuseqartorujussuupput ilaasut sapinngisamik sukkanerpaamik Nuummukaannissaannut. Imami sukkatigaaqq uanga malinnaasinnaanngingajallunga, taanna oqarpoq.

Oqimassuseq balancelu

Nakkutilliisarfimmi aamma issiapput Moni Lyberth Monica R. Kleistilu, taakkulu Sisimiunit Kangerlussuarmukartinneqarsimapput timmiartut oqimaassusaat balancealu isujmagissallugit, taakkulu pisooqataalluinnartut taama sukkatigisumik ingerlatsisoqarneranut.

Qiimallutik

Mittarfimmi sulisut qiimalluaraput, suliassaq kivissinnaasimagamikku nuannaarutigaat - aamma sila akornusersuisimagaluartoq.

– Tulluusimaarutigeqaakka, Air Greenlandip sumiiffimmi pisortaa Heidi Schermer oqarpoq.

Assit ataani takukkit

Powered by Labrador CMS