Arctic Winter Games
AWG-mi peqataasussat 400-t ammaanersiornermi peqataanngitsuussapput
Naatsorsuutigineqarpoq Arctic Winter Gamesimi peqataasussat kingulliit sapaatip unnuaani Nuummut tikissasut
Arctic Winter Gamesimi peqataasussat tamarmik ajoraluartumik sapaammi nalunaaqutaq 20.00 ammaanersiornissami peqataasinnaanngillat.
Nuummi sila ajornartorsiortitsisorujussuusimavoq, tamatumani peqataasussat Kangerlussuarmit Nuummukaannissaat eqqorneqarluni.
– Sapinngisarput tamaat ammaanersiornermut sapinngisamik amerlanerpaat anngutsinniarsaraavut. Maanna timmisartuusseqattaarneq aallartippoq, naatsorsuutigineqarporlu kingulliit Nuummut tikissasut ullaassaru nal. 3.25, Arctic Winter Games 2016-imi pisortap tullia Arnakkutuk Jo Kleist Sermitsiaq.AG-mut oqarpoq.
Tamanna peqatigalugu oqarpoq peqataasussat 400-t missaanniittut ammaanersiornermi peqataanngitsuussasut.
– Imatulli pilersaarusiorsimavugut ammaanersiornermi aallartitat tamarmik peqataatitaqassallutik, Arnakkuluk Jo Kleist oqarpoq.