snowboard-fest
AWG-medaaliat arfinillit najukkaminni snowboardertunit pissarsiarineqarput
AWG-mi ullup aappassaanni snowboardernermi arlalinnik medaaliannattoqarpoq
Nuummi majuartaammi aput oqimaappoq. Erseqqarissutsillu pitsaannginnerata kingunerisaanik arlallit orlupput - aamma snowboardertartut pikkorinnersaat.
Snowboardimi unammissutaasuni arlalinni inernerit maanna uppernarsarneqaqqammerput: Jonas Strømsted juniorit sangusaarneranni kuultinnappoq, Mathias Mark bronzinnalluni.
Alberta unammillertaalluartoq
Nukappiaqqani nukarlerni sangusaartuni aamma kalaallit marlunnik medaaliannapput, Anthon Siegstad sølvinnappoq aamma Kunuunnguaq Davidsen bronzinnappoq - taakku marluullutik sekundimik ataasiinnarmik nikingallutik, kiisalu ajugaasumut sekudimik ataatsimik aamma kigaannerulluni, taanna Team Albertap pissarsiaraa.
Niviarsiaqqat juniorit akornanni Kira Lennert Olsen bronzinnappoq, Albertameersumit ajugaasumit sekundinik sisamanik kingulliulluni.
Bella Nielsenimut sølvi
Niviarsiaqqani nukarlerni aamma sangusaarnermi Bella Nielsen sølvinnappoq - Albertameersumit sekundimik ataatsimik kigaannerulluni.
AWG-mit allaaserisat kingulliit:
Kalaallit kuultimik medaaliannattaavat siulleq pissarsiarineqarpoq
Maanna ajoqusillattaanerit aallartereerput
Arctic Winter Gamesimi marlunngornermi pisussat