Skip to main content

AWG 2016-imut nutaamik pingaarnertut aningaasaliisoqalerpoq

Nunafondenip Arctic Winter Games Nuummi ingerlanneqartussaq aningaasaliiffigaa

- Suliniutit annertuut Arctic Winter Games-itut ittut kikkut tamarmik peqataanissannik pisariaqartitsipput. NunaFonden-imi nuannaarutigaarput AWG 2016-mi piorsarsimassutsikkut pikialaartitsinerit aningaasaliiffigisinnaagatsigit. Nunatta piorsarsimassutsikkut assiginngissutai aamma pisuussutai sineriammi siuliminnik kingornussaqarluartut peqataasinneqarnerisigut ersitsinneqassaaq.

Nunafondenimi siulersuisut siulittaasuat Per Berthelsen oqarpoq. 

Per Berthelsen aamma AWG 2016-ip General Manager-ia Maliina Abelsen Nunafonden-ip aningaasaliineranut isumaqatigiissut ullumi sisamanngornermi atsiorpaat, isumaqatigiissutaalluni Nunafonden AWG 2016-mi piorsarsimassutikkut pikialaartitsinernut 1 million koruuninik aningaasaliissasoq. Taamaalilluni Nunafonden AWG 2016-mut pingaarnertut aningaasaliisut akornaniilerluni.

- Nunafonden-ip aningaasaliinermigut peqataaffigaa piorsarsimaasutikkut timersornikkullu immikkut ittup pilersinneqarnissaa, piviusunngortinneqarniartoq Nunatta iluani sunut tamanut attuuttussaq. Nunafonden-illu aningaasaliinermigut qulakkeerneqartippaa timersorluni unammiuaarnerit nalaanni Nunatta avannaarpiaaniit, Nunatta kangerpiaaniit, Nunattalu kujaterpiaaniit peqataasoqarnissaa, Per Berthelsen oqarpoq. 

Aningaasaliineq pillugu Maliina Abelsen oqaaseqarpoq:

- Piorsarsimassutikkut saqqummiussat aaqqissuinerillu AWG 2016-mut pingaaruteqarput. Maana periarfissaqalerpugut Nunarput tamakkerlugu aallaavilinnik piorsarsimassutikkut pikialaartitsinermi peqataatitsisinnaaneq aamma piorsarsimassutikkut pitsaalluinnartumik saqqummiussanik pilersitsisinnaalerluta. AWG 2016-mut naleqaqaaq NunaFonden-ip pitsaasumik takutitsinissamut peqataaniarnera. 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER