Avissimasut 4.000-ingajaapput
Amerlanerit kisimiillutik inuupput – kajumissutsiminnik imaluunniit kajumissuserinngisaminnik. Asangaakkamilli nassaarnissamik takorluugaqarneq suli puigorneqanngilaq
Asanninnerup suut tamaasa anigortarpai, suut tamaasa upperalugit, suut tamaasa neriuutigalugit ajugaaffigalugillu. Asanninneq taamaatinngisaannarpoq.
Taamaattorli.
Aappariinnerli pineqartillugu ajoraluartumik tamatigut Biibilimisut pisoqarneq ajorpoq. Tamanna Nunatsinni Naatsorsueqqissaartarfiup kisitsisaataanni nutaanerpaani takuneqarsinnaavoq. Misissoraanni takuneqarsinnaavoq ukioq manna februaarip 14-ani avissimasut 3.893-iusut.
Avittut qanga ikinnerusartut
Aappariinneq aamma taama nuannertiginngilaq.
Aamma qanga taamaassimagunanngilaq, taamanikkulli aappariit aappariiginnarnerusarput: Innuttaasut aappaqarnerat pillugu nalunaarsuineq 1977-imi Statiskikbankimiippoq, taamanikkut taamaallaat 1.129-t avissimapput. Kingorna avinnerit amerlipiloorput, ingammik ukiut tusindilikkaat nikinnerisa kingornagut, taamaattorli ullumikkutut sukkatiginngitsumik:
2000-imi Kalaallit Nunaanni avissimasut 2.622-iupput, tassalu ullumikkornit 1.271-inik ikinnerullutik.
Taamaakkaluartoq katinneq suli atugaavoq – kingornalu aappariiginnartoqartarluni. Taamaalillutik ullumikkut inuit 14.366-it katissimapput – imaluunniit ersarinnerusumik: aappariinnerit 7.183-iupput.
Allaaserineqartoq tamakkiisumik aviisimi AG-mi atuaruk. Aviisi uani pisiarineqarsinnaavoq: