Skip to main content

Aviisimi allaatigisaq: Namminersorlutik Oqartussat atorunnaarsinneqarlik

Ilisimatusarfimmi pisortaasimasoq, Thorkild Kjærgaard, Namminersorlutik Oqartussat atorunnaarseqqullugit allappoq. Tamanna pillugu ullumi Politik'imi aviisimi allaaserisaqarpoq.

- Suna tamarmi ajorsilluinnannginnerani, eqqarsarluartoqaqqulluguli Folketingip Kalaallit Nunaata Namminersornerunera atorunnaarsikkallarsinnaavaa, oqaluttuarisaanermik franskisulli ilinniarsimasoq, 2002-miik 2015 tikillugu Ilisimartusarfimmi atorfeqarsimasoq, Thorkild Kjærgaard allappoq. Aviisimi allaaserinnittartoq Kalaallit Nunaanni pissutsit pillugit isummamik akerliuffigineqarsinnaasumik allaaserinninnera siulliunngilaq.

Taanna namminersornernermut inatsit tikkuarpaa, 'eqqartuussisutigoortumik kommunalbestyrelsituulli pisinnaatitaaffeqanngillat. Ilisimaneqartutuulli kommunalbestyrelsi ingerlatsinerluleraangat pisinnaatitaaffiangaasarpoq.'

Aviisimi allaaserisaq Politiken'imi atuaruk (Qallunaatut allaqqavoq)

Taanna tikkuaavoq, Naalakkersuisut missingersuutinik ajornartorsiuteqangaatsiartut, inuiaqatigiillu isumaginninnikkut, kultureqarnikkut, aningaasaqarnikkullu ajalusuulersut.

- Kalaallit Nunaanni taamatut inisissimasoqarnera oqaatigisariaqarpoq, sunami tamangajammi ingerlannerlutaavoq, inuiaqatigiinnullu isertuussisoqartarluni, Kalaallit Nunaatalu Naalagaaffeqatigiinnermiit aniguni nunap karsiata isertitaasa amerlanersaat annaaneqarpata inuuniarnikkut atugarissaarnikkulli kingunerluutissat annertoqaat. Eqqaaneqanngillallu peqqinnissaqarfimmut, ilinniartitaanermut, politeqarnermut eqqartuussiveqarnermullu aningaasartuutit, ullumikkiut Københavnimiit aningaasalersorneqartut, Kalaallit Nunaata nammineq aningaasalersulissappagit kingunerluutissat annertussaqaat, Politiken'imi aviisimi allaaserinnittoq isummerpoq ilassuteqarlunilu:

- Ukiuni hunnorujulippassuarni nunaqqatigaagut - tuusintilikkuutaat anneruniartuunngitsut, inuit ilungersorlutik sulisut qallunaatut cpr-normullit naammattusaariartulli - ingerlanerliortoqaannassappallu taakku pilliutigineqassapput, Thorkild Kjærgaard allappoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER