Skip to main content

Avatangiisinut suliniutit miliuunilinnik aningaasaliiffigineqartut

Avatangiisinut Aningaasaateqarfik Kangerlussuarmi Kommuni Qeqertalimmilu eqqagassalerinissamut kiisalu Sisimiut eqqaani qassutikunik atortukunillu saliinissamut tapiissuteqarsimavoq.

Namminersorlutik Oqartussat Avatangiisinut Aningaasaateqarfiata 2021-mi avatangiisinut suliniutissanut assigiinngitsunut aqqaneq-marlunnut otte millioner koruuninik agguaasimavoq.

Aningaasaateqarfimmit ilaatigut Kangerlussuarmi Kommuni Qeqertalimmilu eqqagassalerinissamut kiisalu Sisimiut eqqaani qassutikuni atortukunillu saliinissamut tapiissuteqartoqarsimavoq.

Aamma poortuutinut ataasiaannartakkanut utertitseriaatsimik nutaamik misissueqqissaarnissamut kiisalu silap pissusaa aammalu aningaasaqarneq kaaviiaartoq ukkataralugu inuusuttunut sammisaqartitsinissamut aaqqissuussinissamullu tapersiisoqarpoq.

Avatangiisinut Aningaasaateqarfik

Avatangiisinut aningaasaateqarfimmik, nunarput tamakkerlugu avatangiisinut tunngasunut pitsanngorsaanermik suliaqarnermut tapersiisartussamik, pilersitsisoqarnissaa 2018-imi Ukiaanerani ataatsimiinnermi Inatsisartut akueraat.

Ukiut tamaasa suliniutinut avatangiisinut iluaqusiisussanut aningaasassanik immikkoortitsisoqartassaaq.

Naalakkersuisup nuannaarutigaa, aningaasaateqarfiup suliniutinut tapiissuteqarsinnanera:

- Qinnuteqaatit soqutiginaatillit arlaqarsimapput, aammalu suliniutinut siunnersuutit pimoorussisorpassuaqarmat aammalu aningaasaateqarfimmut soqutiginninnerup annertoorujussuunera nuannaarutigaakka. Suliniutit siunissami ukiorpassuarni avatangiisinut iluaqusiisussat suliarineqarnerisa malinnaaffiginissaa qilanaaraara, Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund (IA) tusagassiorfinnut nalunaaruteqarnermi oqarpoq.

Suliniutit tapiiffigineqarsimasut allattorsimaffiat:

Naalakkersuisut

Naalakkersuisunit oqaatigineqarpoq, Avatangiisinut aningaasaateqarfik aamma 2021-mi nunami namminermi eqqagassalerinermut aaqqiissutissap ESANI A/S-ip pilersinneqarnissaanut tapersiisimasoq, tamatuma kingunerisaanik Sisimiuni aamma Nuummi nunami namminermi ikuallaavinnik nutaaliaasunik marlunnik, nunarput tamakkerlugu eqqagassanik tigooqqaasartussanik, sanasoqassalluni.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER