Skip to main content

Avannaata siunissaa neriulluarfigineqartoq

Qaasuitsup kommuniani inuttaasut amerliartorput, suliniutit arlallit aamma aaliagiunneqarput. Ineriartornerlu sukkanerusumik ingerlasinnaangaluartoq, borgmester Ole Dorphip oqaatigaa.

Kalaallit Nunaanni kommuunit avannarlersaanni Qaasuitsup Kommuniani inuttaasut amerliartorput.

Ukioq kingulleq inuttaassut 139-nik amerlatsissimapput, januaarillu aallaqqaataani kommuunimi inuttaasut 17.147-llutik.

Kommunillumi ineriartornera borgmester Ole Dorphimit (S) nuannaarutigineqarpoq.

Atuaruk: Nuummi innuttaasut amerleriarujussuartut

Taamaammat ingerlalluarpoq

- Aalisarneq, aalisakkanik nioqqutissiorneq takornarialerinerlu pikkoriffigaavut. Innuttaasut amerliartornerinut pissutaaqataavoq, Sermitisaq.AG-mut oqarpoq.

Taakkunani ineriartortoqangaatsiarnissaa qularutiginngilaa. Taamaakkaluartorlu ineriartorneq sukkanerusimasinnaagaluarpoq.

- Ilulissat mittarfia avannaani ineriartornissamut aqqutissaavoq. Taassuma tallilerneqarnissaa nammineq pilersaaraluarparput, suliarli Naalakkersuisut Kalaallit Airportimik pilersitsinerannit ingerlakkunnaarparput. Suliaq nammineq ingerlatiinnarsimasuugutsigu qaartitsineq siulleq siornali pereersimassagaluarpoq, Qaasuitsup Kommuniani borgmesteri erseqqissaavoq.

Atuaruk: KANUKOKA: Suliffiit sinerissamut nuunneqarlik

Ineriartornermut unikaallatsitsivoq

Kommunip Naalakkersuisut mittarfiup tallinissaanut pilersaarusiorneq ingerlatiinnarumallugu isumaqatiginninniarsimagaluarpoq, kinguneqanngitsumilli.

- Kommuni ineriartussappat alloriarneq siulleq tassaavoq mittarfiup tallilernissaa. Taannami tallippat periarfissarpassuit ammakaassapput, uggornarporlu suliaq sukkanermik ingerlnanneqanngimmat, Ole Dorph tikkuaavoq.

Atuaruk: Innuttaasut ikiliartorput - borgmesterip naligiinnerunissaq piumasaraa

Ilulissat allinissaanut pilersaaruteqarpoq

Ineriartornermut aporfiit aappaat tassaavoq kommuni marlunngorlugu avinniarneqalikkersaarnera.

- Kommuni avinissaanut nukipparujussuit atorsimagatsigit pilersaarutigut kinguaattuulaaqqapput, maannali ingerlallualerlutigit.

Nuuk kisiat allinissaanut pilersaartoqanngilaq. Ole Dorphimmi Ilulissat allinissaanut siunissamut qaninnerusumut pilersaarpoq.

- Illoqarfiup avannaatungaa allilissallugu pilersaaruteqarpugut. Kommunip aningaasaqarnermut ataatsimiititaliaata pilersaarutit akueraat maannalu suliap ingerlaqqinneranut killilluta. Upernaaru taanna saqqummiunneqassaaq, paasissutissiivoq.

Atuaruk: Qaasuitsup kommunia avinneqalerpoq

Qimusseriarsuaq

Ilulissani imermik pilersuineq nuunneqassaaq, talittarfik nutaaq erngullu nukiganik innaallagissiorfik atorluarneqalissasoq suliniutigineqarput.

Ilulissallu avataani takornarialerineq aalisarnerlu ineriartortinneqassallutik.

- Qimussueriarsuaqarpoq Nunatsinni aalisagaqarnerpaaq. Aalisakkat sorpiaaneri ilisimaneqanngilaq kisianni ulikkaarpoq. Tamanna siunissami periarfissanik ammaassuisinnaavoq, oqarpoq. Aalisarnerup inerisarneqarnissaanut takorluugaqarpoq. Qaasuitsup Kommuniani aalisartut qaleralinnik tonsit tallimat sinnerlugit aalisarsinnaagaluartut pisassat ataqatigiissaarneqaraluarpata Ole Dorph isumaqarpoq.

Kalaallit Nunaata avannaani siunissaq annertusoq Ole Dorphip qularinngilaa.

- Qaamasoq ornipparput. Nuuk kisimi pisoqarfiunngilaq. Inuusuttut ilinniakkaminnik piareerunik avannaanut uteqqissapput qularinngilaralu ukiut 15 qaangiuppata Ilulissani innuttaasut 10-15.000-t ajornaniikkumaartut, Ole Dorph oqarpoq.

Atuaruk: Kiffartuussinermut isumaqatigiissutit attuumassuteqanngitsunit misissorneqarnissaannik Dorph piumasaqarpoq

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER