Avannaata Qimussersui pillugit filmiliaq takuuk

Avannaata Qimussersui ukoq manna ingerlanneqarmat qimussit 27-t ajugaaniullutik sukkaniuteqataapput. 25 gradinik issikkaluartoq isiginnaariarpassuit seqinnarissumi 40 kilometerinik isorartutigisumi sukkaniuttunik qiimmassaallutik nillerrattarput.

Kristian Lundblad Sisimiuneersoq piffissaq 1:41:36 atorlugu siullersaalluni apuuppoq, tulliulluni apuuttumit Otto Kristensenimit Upernavimmeersumit minutsip aappaa avillugu sukkanerusimalluni. Siorna ajugaasimanerminik illersuisoq Frederik Mathiassen Ilulissaneersoq ukioq manna normu treenngorpoq.

Inissiffiit:

1. Kristian Lundblad, Sisimiut

2. Otto Kristensen, Upernavik Innaarsuit

3. Frederik Mathiassen, Ilulissat

4. Ville Siegstad, Ilulissat

5. Jonas Kristensen, Kullorsuaq

Siorna sukkaniunnissaraluaq corona pissutigalugu taamaatiinnarneqarsimavoq. Akerlianik ukioq manna sukkaniunnermi siullermeersumik nunamit tamarmit peqataasoqarpoq. Taamaattoq Tasiilameersut nunaqarfinneersullu kiisalu Aasianneersut qimmit akiuussutissalerneqarsimannginnerat pissutigalugu peqataanngillat.

Sukkaniunnermi videoliaq uani takuuk: