Avannaata Qimussersua

Avannaata Qimussersuani tunillaassuussinnaasumik nappaalasoqartoq

Qimmit atugassai ilaat toqoriasaarneri pissutaalluniIlulissaneersoq Minik Olsvig Svendsen Qeqertarsuarmi Avannaata Qimussersuani peqataasinnaajunnaarpoq

- Ajuusaarpunga qimmikkalu pillugit qiallinga. Unammisut isiginnaaginnartariaqartussanngorpakka, Iluluarmiu Minik Olsvig Svendsen oqarpoq. Unamminissamut piareersarluarsimagaluarluni aamma ilisimatitsissutigaa
- Ajuusaarpunga qimmikkalu pillugit qiallinga. Unammisut isiginnaaginnartariaqartussanngorpakka, Iluluarmiu Minik Olsvig Svendsen oqarpoq. Unamminissamut piareersarluarsimagaluarluni aamma ilisimatitsissutigaa Arne Mølgaard Arne Mølgaard- Ajuusaarpunga qimmikkalu pillugit qiallinga. Unammisut isiginnaaginnartariaqartussanngorpakka, Iluluarmiu Minik Olsvig Svendsen oqarpoq. Unamminissamut piareersarluarsimagaluarluni aamma ilisimatitsissutigaa Arne Mølgaard Arne Mølgaard- Ajuusaarpunga qimmikkalu pillugit qiallinga. Unammisut isiginnaaginnartariaqartussanngorpakka, Iluluarmiu Minik Olsvig Svendsen oqarpoq. Unamminissamut piareersarluarsimagaluarluni aamma ilisimatitsissutigaa Arne Mølgaard Arne Mølgaard

Avannaata Qimussersua Qeqertarsuarmi arfininngorpat ingerlanneqartussami Iluliarmiu Minik Olsvig Svendsen peqataasinnaajunnaarpoq. Qimmii ilai qimmit nappaataannik napparsimalerput sapaatiummat.

Avannaata Qimussersuani ingerlaarfissaq 40 kilometeriusoq arfininngormat misilittarpaa. Aqaguanili qimmeqarfimmi qimmini ilaat toqusimasut siumorpaa. Qimmit napparsimarpasissimanngikkaluarput, taamaammat inuttaata tupaallaatigaa qimmini ilai toqusimammata.

- Susoqarnersoq naloqqaarparput, aqaguani qimmeq ataaseq aamma toqoqqippoq. Ilulissani uumasut nakorsaat nalunaarfigaarput. Kommunimi sulisullu ikioqatigiilluta qimmit eqqaavissualiaanneqarput. Aamma ullumi tallimanngornermi qimmimik toqusoqaqqippoq, Minik Olsvig Svendsen oqarpoq.

Qimmit sisamat toqusimalerput, ataaserlu napparsimarpaseqaluni. Qimmit napparsimanngitsortaat taamaammat allamut inissinneqarput tunillatsinnginnissaat anguniarlugu.

Uumasulerisoq: Nappaatipalaaq
Nappaat qimmit nappaatigigaat tunillajasooq Ilulissani uumasulerisup Sanne Wennerbergip oqaatigaa. Unammersuaartoqarnissaanut aaqqissuussisut suliniuteqapallassimanerat nersualaarpaa.

Pisumi Minik Olsvig Svendsen aamma Ilulissani qimussertartut peqatigiiffiat attaveqatigiinnavippai. Uumasummi nakorsaanit ikiorneqarnissartik kissaatigisimavaat.

- Qimmit nappaataat tunillaassuutipallassimavoq. Qimmit tunillatsikkaangata noqartarput toqusarlutillu. Qimmit toqusimasut toqqoqqatinneqarallarput eqqaavissuarmullu kingusinnerusukkut iginneqarumaarlutik, oqarpoq.

Qulimiguulimmik qimmit angalagaangata akiuussutissaat tatisimaneqartartut oqaatigaa. Sanne Wennerberg Qeqertarsuarmi unammersuaartoqarnerani peqataassanngilaq.

Kalaallit Nunaanni Qimussertartut Kattuffianni KNQK-mi siulittaasoq Mikkel Jerimiassen oqarpoq Minik Olsvig Svendsen Avannaata Qimussersuani peqataassanngitsoq.

Minik Olsvig Svendsenip nerukkaatissatut atortagaa unammeqataasussanit allanit ungasissumut inissinneqarpoq.

Assit marluk takukkit

Powered by Labrador CMS