Skip to main content

Avannaata Kommunia: Sullissisut akissarsiaat aaqqinneqartut

Qaammatit arlallit AK kommunilu oqaloqatigiittareersut maanna sullissisut pineqartut isumaginninnermi siunnersortit sullissisullu isumaqatigiissutaannut nuunneqarput

Akileraarut peereerlugu 100.000 koruunit. Isumaginninnerup iluani sullissisut akissarsiaasa kingumoortumik aaqqinneqarnerisa kingorna sullissisut ilaat taama pissarsipput. Atorfillit Kattuffiata sullissisut akissarsiaasa iluarsineqarnissaat piumasaralugu borgmesterimut saaffiginnereernerani tamanna pivoq.

Atorfillit Kattuffiat tusagassiutinut nalunaarummi allappoq.

Qaammatit arlallit AK kommunili oqaloqatigiittareersut maanna sullissisut pineqartut isumaginninnermi siunnersortit sullissisullu isumaqatigiissutaannut nuunneqarput. Kinguneranik sullissisut akissarsiaat kingumoortumik aaqqiivigineqarput; sullissisut ilaat akileraareerlutik 100.000 koruunit angullugit pissarsillutik. Tassami qaammammut akissarsiat iluarsiissutaat 6-7.000 koruunit missaanni naleqarput, nalunaarutigineqarpoq.

Suleqatiginnikkusussusermik takutitsisoqartoq

- Sullissisut eqqortumik akissarsiaqalernerat isumaqaqaaq. Tunngaviusumik akissarsiaat pitsaanerulerput, pension pitsaaneruvoq, akiliunneqarluni angalanissamut qinnuteqarsinnaalerput kiisalu sullissisutut pisinnaatitaaffitik atorsinnaanngorlugit – minnerunngitsumillu PFA aqqutigalugu sillimmatinik pilerinartunik aamma peqalerlutik, Atorfillit Kattuffianni siulittaasoq Dina Olsen oqarpoq. 

Kommunit suliami matumani suleqatikkuminarsimanera AK-p siulitaasuata nersualaagassatut isigaa. 

- Avannaata Kommuniani bormesteri Palle Jeremiassen (S) ajornartorsiut pillugu attavigigatsigu paasinnilluarpoq, suliallu naammasilertornissaanut kommunimit suliniapallattoqarluni. Taamaammat borgmesteri nersualaartariaqarpoq, atorfillit, taamatullu innuttaasut illersoramigit, Dina Olsen oqarpoq. 

Ataavartumik misissuineq

AK-p ilisimavaa; kommune ataaseq SIK isumaqatigiissutaa malillugu suli atorfinitsitsisartoq. 

- AK-lli piffissami matumani kommune pineqartoq avammut nalunaarutiginianngikkallarpaa; ineriartuutaasumik attaveqatigiinnissamik isumaqatigiissuteqarneq pissutigalugu. Sullissisut eqqunngitsumik isumaqatigiissummik tunngaveqarluni atorfeqartissallugit pissusissamisuunngilaq. Taamaattoqartillugumi sullissisut ilaatigut ikiorniakkamisullu aningaasaqarnikkut ilungersortigisarput, Dina Olsen oqarpoq.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER