Avannaata Kommunia: Palle Jerimiassenip borgmesteriunini attatiinnarpaa
Partiinit sisamanit tapersersorneqarluni attaviitsoq Palle Jerimiassen borgmesteritut ingerlaqqissasoq KNR allappoq.
Annonse
Inuit Ataqatigiit, Atassut, Demokraatit, Naleraq attaviitsorlu Palle Jerimiassen Siumut avaqqallugu Avannaata Kommuniani suleqatigiinnissamik isumaqatigiissuteqarput. KNR nittartakkamini allappoq.
- Nuanneqaaq, tuppallerneqaaq suleqatissama taama tatingalunga borgmesteritut toqqarmannga, Palle Jerimiassen, Avannaata Kommuniani borgmesteriunerminik attassisoq, KNR-imut oqarpoq.
Siumut aamma Naleraq suleqatigiinnissamik isumaqatigiissuteqarnissaat naatsorsuutigineqaraluarpoq, Sakio Fleischer borgmesterissatut siunnerfigineqarluni. Isumaqatigiinngissutilli pissutaallutik Siumup Naleqqamik isumaqateqarnissaraluani taamaatippaa.
Kommunimut qinersisoqareernerani Palle Jerimiassen Siumumi ilaasortaajunnaarluni attaviitsunngorpoq.