Skip to main content

Avannaata Kommuniani najukkani ataatsimiititalianik qinersineq

Avannaata Kommuniani innuttaasut oqartussaaqataanerat qaffassarniarlugu Najukkami Ataatsimiititaliat pilersinneqartussanngorput.

Avannaata Kommuniani Ikaarsaariarnermut Ataatsimiititaliap maaji 2017 atuutilernermini piumasarisaa innuttaasut oqartussaaqataanerat malunnaatilimmik aaqqiivineqassasoq.

Tamanna anguniarlugu suliaq ingerlanneqarpoq, aammalu kingorna Inatsisartut Inatsisiliornermikkut kommunit pisussaaffilerpaat Nunatsinni Innuttaasut tamarmik sumiiffigisamik ineriartorneranut peqataanissaminnut periarfissaqassasut.

- Taamaalilluta Avannaata Kommuniani illoqarfinni tamani innuttaasut oqartussaaqataanerannik atuutilersitsiniarluni, Najukkami Ataatsimiititalianik pilersitsisoqassaaq. Najukkami Ataatsimiititalianik pilersitsiniarnermi siunertaavoq innuttaasut oqartussaaqataanerata annertusarneqarnissaa, tassa illoqarfigisamik ineriartornissaannut akisussaaffeqarlutik ingerlatsinissaat qulakkeerneqassasoq, kommuni tusagassiuutinut nalunaarummi allappoq.

Akisussaaffiliinermi annerpaamik aningaasanik aqutaqalernissaq siunertaavoq. Akisussaaffik ukununnga tunngasoq tunniunniarneqarmat; kulturimut inunnillu paasisitsiniaanermut, timersornermut tunngasunut, innuttaasut najukkaminni timersorneq aqqutigalugu pinaveersaartitsinermik siunertaqarluni periarfissanik siuarsarnissanik siunertaqartunik aaqqissuussinernut, teknikkikkut ingerlatsivinnut pilersuinermullu, najukkami inuussutissarsiutinut tunngasunik suliniutit, isumaginninnermilu suliassanut.

Illoqarfinni pilersitsinerit ingerlanneqarnissaat ima pilersaarusiorneqarput:

  • Ilulissani marlunngorneq 30. Januar 2018 nal. 19:00 Sermermiuni
  • Uummannami pingasunngorneq 7. Februar 2018 nal. 19:00 Haalip katersortarfiani
  • Upernavimmi pingasunngorneq 7. Marts 2018 nal. 19:00 Katersortarfimmi
  • Qaanaami sisamanngorneq 12. April 2018 nal. 19:00 Innuttaasut illuanni

Ataatsimiisitsinermi innuttaasut kikkulluunniit qinersisinnaatitaasut ataatsimiinnermi najuuttut Najukkami Ataatsimiititaliamut qinigassanngortissinnaallutillu qinersisinnaatitaassapput, taamaattumik neriuppunga innuttaasut amerlasuut ataatsimiisitsisarnissatsinni takkuttarumaartut.

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER