Avannaata Kommuniani Najukkami Ataatsimiititaliaq siulleq pilersinneqarpoq

Avannaata Kommuniani innuttaasut oqartussaaqataanerat qaffassarniarlugu Najukkami Ataatsimiititaliat pilersinneqassapput.

Ilulissani innuttaasut ataatsimiititaliami ilaasortassanut marlunngormat qinersipput.

Ilulissani Najukkami Ataatsimiititaliami qinerneqartut:

• Jens Ole Nathanielsen
• Juaanna Abelsen-Petersen
• Jens Peter Rosbach
• Brian Grønvold
• Ane Lone Bagger (Siumumit qinerneqartoq)

Ataatsimiititaliaq pisariaqartinneqartoq
Najukkami Ataatsimiititalianik pilersitsiniarnermi siunertaavoq innuttaasut oqartussaaqataanerata annertusarneqarnissaa, tassa illoqarfigisamik ineriartornissaannut akisussaaffeqarlutik ingerlatsinissaat qulakkeerneqassasoq.

- Innuttaasut assingusumik ataatsimiititaliaqarnissaa kissaatigineqarsimasoq, ataatsimiititaliap pilersinneqareernerani paasinarsivoq, borgmesteri Palle Jerimiassen Sermitsiaq.AG-mut oqarpoq.

Ataatsimiititaliap akisussaaffii tassaassapput:

• Kulturimut inunnillu paasisitsiniaaneq
• Timersornermut tunngasut
• Innuttaasut najukkaminni timersorneq aqqutigalugu pinaveersaartitsinermik siunertaqarluni periarfissanik siuarsarnissanik siunertaqartunik aaqqissuussineq
• Teknikkikkut ingerlatsivinnut pilersuineq
• Najukkami inuussutissarsiutinut tunngasunik suliniutit
• Isumaginninnermi suliassat

Illoqarfinni pilersitsinerit ingerlanneqarnissaat ima pilersaarusiorneqarput:

• Uummannaq, pingasunngorneq 7. februar
• Upernavik pingasunngorneq 7. marts
• Qaanaaq sisamanngorneq 12. april 2018

Illoqarfinni taakkartorneqartuni Najukkami Ataatsimiititaliamik pilersitsinerni Palle Jerimiassen peqataasarniarluni pilersaaruteqarpoq.