Skip to main content

Avannaata Kommuniani atuartut alloriarfinni misilitsinnerminni angusarissaarnerusartut

Avannaata Kommuniani 3. aamma 7. klassini atuartut fagini tamani, 3. klassini danskisut ilinniartitsisarneq kisiat pinnagu, siornamut sanilliullugu angusarissaarnerusimapput.

Avannaata Kommuniani meeqqat atuarfiini atuartut matematikkimi tulluttullu misilitsinnermi angusarissaarnerusarput. Avannaata Kommuniata naatsorsuisimanerani, nittartakkatigut saqqummiunneqaqqammersumi tamanna takuneqarsinnaavoq.

- Avannaata Kommuniani 3. aamma 7. klasseni alloriarfinni misilitsinnermi angusat atuartitsissutini tamani 3. klassemi qallunaatoorneq minillugu qaffariarput, kommuni nittartakkamigut ilisimatitsivoq.

Atuartut siornamut sanilliullugu sooq angusarissaarnerusimanerannut tunngatillugu, Inerisaanermut Ataatsimiititaliap pitsaanerpaamik ingerlatsinermi periuserineqartartoq paaserusussimavaa.

- Angusat ilaat allaniit annertunerusumik malunnaatilimmillu qaffariarsimasut maluginiarparput, soorlu assersuutigalugu matematikkimi. Qaffariaateqarsimanernut suut tunngaviunersut paaserusullugu oqariartuuteqarpugut, akissutisinissarpullu qilanaaraarput, kommunimi Inerisaanermut Ataatsimiititaliami siulittaasoq Lena Ravn Davidsen oqarpoq.

Tuluttut piginnaasat pitsanngoriartut

Avannaata Kommunia naapertorlugu, 7. klassini atuartut matematikkimi tuluttullu misilitsinnerminni angusarisartagaat agguatigiissillugit qaffariarnerpaasimapput.

7. klassini atuartut agguaqatigiissillugit angusarisimasaat:

  • 2020-mi matematikkimmi inerniliillaqqissuseq 34 procentiusimavoq
  • 2021-mi matematikkimmi inerniliillaqqissuseq 41 procentiuvoq
  • 2020-mi tuluttut inerniliillaqqissuseq 55 procentiusimavoq
  • 2021-mi tulututtu inerniliillaqqissuseq 69 procentiuvoq

3. klassini atuartut kalaallisut matematikkimilu misilitsinnermi angusarisartagaat pitsannerulersimavoq.

3. klassini atuartut agguaqatigiissillugit angusarisimasaat:

  • 2020-mi matematikkimi inerniliillaqqissuseq 46 procentiusimavoq
  • 2021-mi matematikkimi inerniliillaqqissuseq 53 procentiuvoq
  • 2020-mi kalaallisut inerniliillaqqissuseq 41 procentiusimavoq
  • 2021-mi kalaallisut inerniliillaqqissuseq 54 procentiuvoq

3. klassimi qallunaatoornermi misilitsinnermi inernerusuni inerniliillaqqissuseq 2018-imi 53 %-ioriarluni 2020-mi 47 %-inut appariarsimasoq 2021-mi 42 %-inut appariaqqippoq.

- Nukarlerni meeqqat tuluttut pikkorissigaluttuinnarnerat qallunaatut appariarnerannut pissutaasut ilagilluinnaraat qularinngilarput, Lena Ravn Davidsen oqarpoq, nangillunilu:

- Ullutsinni atortorissaarutit iPaditut ittut paasissutissanik avammut aallerfittut atorneqarneri tuluttullu paasissutissarpassuaqartut tuluttut misilitsinnermi inernerusunut iluaqutaasimassasut qularinngilarput. Aammali ulluinnarni meeqqaat spil-it aqqutigalugit tuluttut oqaatsinik piginnaasaqaraluttuinnarnerat ilisimaneqareersoq qaffassaaqataasimassaaq, Lena Ravn Davidsen oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER