Skip to main content

Avannaata Kommunia: Kommunalbestyrelsip pinngorniarnera imaanaanngitsoq

Palle Jerimiassen kommunalbestyrelsip inissititernissaminut ataatsimiinngilaataa parteerisimasani Siumut avaqqullugu amerlanerussuteqalerluni isumaqatigiissusiorpoq. Inissititernermilu telefonikkut peqataalluni borgmesterinngorpoq.

Avannaata Kommuniani kommunalbestyrelsimi ilaasortani 17-iusuni qulingiluat Palle Jerimiassenip isumaqatigiissuteqarfigissallugit tallimanngornerup unnuaani iluatsippaa. Tamanna pivoq ulloq inissititerfissap pinngilaataanni.

Maannalu Palle Jerimiassenip avatangiisit sungiussimasamini ukiuni sisamani issiaqqittussanngorpoq. Maannalu Inuit Ataqatigiit, Atassut, Demokraatit Nalerarlu suleqatigilertussanngorlugit.

Sapaatit akunneri tallimat imaanaanngeqisut qaangiutilillartullu Jens Ole Nathanielsen Inuit Ataqatigiineersoq borgmesterip tullersortaatut siullertut inissippoq. 

Sakio Fleischer-ilu Siumumoorsoq borgmesterip tullersortaatut tulliatut inissilluni. Taannami partiimi anginerpaami taaguuneqarnerpaavoq. 135-inillu taaguunneqarsimalluni. 

Borgmesterip tullersortaatut tullertut Anthon Frederiksen inissittussaagaluarpoq. Taannalu taamak amerlatigisunik taaguunneqanngimmat partiimi annerpaamiinngimmat kommunalbestyrelsinngortut Sakio Fleischer toqqarpaat. 

Anthon pingaarutilinni akisussaaffeqalinngilaq

Anthon Frederiksen maanna kommunalbestyrelsimi ilaasortaalerpoq, akisussaaffiillu naatsorsuutigisimasamisut annertunerusuni inissisimajunnaarluni. Taamaakkaluartorli teknikimut ataatsimiititaliami siulittaasuulissaaq. 

Avannaata Kommuniani ataatsimiititaliat:

Aningaasaqarnermut ataatsimiititaliaq: siulittaasoq, Palle Jeremiassen, attaviitsoq

Teknik-imut ataatsimiititaliaq: siulittaasoq, Anthon Frederiksen, Naleraq

Ilaqutareeqarnermut ataatsimiititaliaq: siulittaasoq, Bendt B. Kristiansen, Inuit Ataqatigiit

Piorsarsimassutsimut atuartitaanermut sunngiffimmullu ataatsimiititaliaq: siulittaasoq, Lena R. Davidsen, Demokraatit

Inuussutissarsiornermut ataatsimiititaliaq: siulittaasoq, Niels Davidsen, Inuit Ataqatigiit

Aalisarnermut piniarnermullu ataatsimiititaliaq: siulittaasoq, Aqqaluk Heilmann, Naleraq

Tamat oqartussaaqataanerannut nunaqarfinnullu ineriartortitsinermullu ataatsimiititaliaq: siulittaasoq, Knud Kleemann, Atassut

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER