kommunit
Avannaata Kommunia: Pisortat marlunngorpat toqqarneqassapput
Kommune Qeqertalik kommunit nutaat atuutilinnginneranni pisortanik toqqaareersoq, Avannaata Kommunia utaqqisitseqqaarpoq
Avannaata Kommuniani pisortat arfiniliusut sapaatip-akunnerata tulliani marlunngorpat tamarmik inuttaqalissapput, Avannaata Kommuniata aningaasaqarnermut ataatsimiititaliaata Ataatsimut Kiffartuusinermut Aqutsisoqarfimmi pisortaq, Isumaginninnermut Ilaqutariinnut Aqutsisoqarfimmi pisortaq kiisalu Kultureqarnermut, Ilinniartitaanermut Sunngiffimmillu aqutsisoqarfimmut pisortaq toqqarpatigit.
Avannaata Kommuniani borgmesteri, Palle Jerimiassen (S) Sermitsiaq.AG-mut taama oqaluttuarpoq.
Aamma atuaruk: Qarasaasiatigut ajunartorsiuteqarneq pisortaanissarsiornermut eqquisoq
Aamma atuaruk: Avannaata Kommunia pisortaanermik atorfinitsitsivoq
Pisortat aningaasaqarnermut ataatsimiititaliamit toqqarneqartarput
Kommune Qeqertalimmi kommunip pisortai marluusut toqqarneqareersut, Avannaata Kommunia qarasaasiatigut ajornartorsiornermik eqqugaapput, tassanngaanniillu pisortatut atorfinnut katillugit arfiniliusunut qinnuteqarnissamut killigititat sivitsorpai.
Kiisami sapaatip-akunnerata tulliani marlunngorpat atorfiit pingasut inuttaqanngitsut inuttalerneqassapput, tassani kommunip aningaasaqarnermut ataatsimiititaliaa ataatsimiinnermini kikkut atorfinitsinneqassanersut aalajangiutissavaat.
Avannaata Kommuniani pisortat aaku
Pisortatut atorfiit pingasut pisortaagallartunik inuttaqartut, Avannaata Kommuniani pisortat sinneri inuttalerneqareerput:
- Sivso Dorph, pisortaaneq
- Nick Nielsen, Attaveqarnermut, Sanaartornermut aamma Avatangiisinut Aqutsisoqarfimmi pisortaq
- Hans Peter Lennert, inuussutissarsiornermut, Takornariaqarnermut, Aatsitassanut Aqutsisoqarfimmi pisortaq
Aamma atuaruk: Kommune Qeqertalimmi aqutsisut inissittut
Aamma atuaruk: Kommune Qeqertalik maligassiuisuuniarpoq