Avannaata Kommunia aqqusinissaq pillugu isumaqatigiinngittoqarnerani saammaatigiinnissamik kissaateqartoq
Naalakkersuisut Avannaata Kommunianutnalunaarutigereeraat Ilulissani mittarfimmut aqqusineqnutaaq akilerumanagu, kommunip NamminersorlutikOqartussani naalakkersuisoqarfiit Kair-ilusaammaateqatigiinnissamut ataatsimeeqatiserai.
Illoqarfiup avataanut aqqusineq nutaaq, Ilulissat illoqarfiata avatinnguaniit mittarfissuartaassamut, ukiuni aggersuni sananeqartussamut, ingerlasussaq Avannaata Kom
muniata kissaatigeqisaa, Namminersorlutik Oqartussat akilerumanngilaat.
Aviisi Sermitsiaq taamatut allappoq.
Borgmester Palle Jerimiassen, Siumut, qanittukkut taamatut Namminersorlutik Oqartussanit nalunaarfigineqarpoq, kommunalbestyrelsip Naalakkersuisullu illoqarfiup avataanut aqqusernup akilerneqarnissaa ukiuni arlalissuarni oqaloqatigiissutigereeraallu.
Avannaata Kommuniata siusinnerusukkut naatsorsorsimavaa aqqusineq nutaaq Ilulissat illoqarfiata kujataa’tungaaniit mittarfimmut ingerlasoq 5 kilometerinik takissusilik millioninik untritilinnik arlalinnik akeqassasoq.
Qimussit illineri
Ullumikkut Ilulissat Kangiata tatsillu imeqarfiup akornanni inissisimavoq. Illoqarfiup avataanut aqqusineq ilaatigut illoqarfiup immikkoortortaava, sananeqaleruttortoq, avaqqullugu qimussit illinerisigut mittarfiup tungaanut ingerlassaaq.
Illoqarfiup avataanut aqqusernup, imeqarfiup nuunneqarnissaanik kinguneqartussap, Ilulissat illoqarfiata, illoqarfiup pioreersup mittarfiullu akornanni ineriartornissaa qulakkiissavaa.
– Aqqusineq, illoqarfiup ineriartortinnissaanut pilersaarutitsinni ilaasoq, qanoq akeqassanersoq naatsorsorsimanngilarput. Pilersaarut qaammatit marluk matuma siornatigut kommunalbestyrelsimit akuersissutigineqarpoq, sulilu aqqusineq missingersuusiorneqarsimanngilaq, Palle Jerimiassen oqarpoq.
Namminersorlutik Oqartussat itigartitsisut
Taassuma sapaatit akunnerisa marlussuit matuma siornatigut Aningaasaqarnermut Naalakkersuisoq Vittus Qujaukitsoq, Nunatta Qitornai, aamma Ineqarnermut Attaveqarnermullu Naalakkersuisoq Karl Frederik Danielsen, Siumut, aqqusineq pillugu ataatsimeeqatigai. Ataatsimiinneq pissanganartumik ingerlavoq. Taamaasilluni Avannaata Kommuniata borgmesteria Ilulissat illoqarfianiit mittarfimmut aqqusernup nutaap Namminersorlutik Oqartussanit kisimi aningaasalerneqarnissaanik kommunip kissaatigisaanik naalakkersuisunut ilaasortanit marlunnit itigartitaalluinnarpoq.
Ilanngutassiaq tamaat Sermitsiami atuaruk – linki tulliuttoq aqqutigalugu iserfigisinnaavat