Kommunip ima taaguuteqassapput:
Avannaata Kommunia aamma Kommune Qeqertalik
Nunatsinni kommunit avannarpasinnerpaaat sumiissutsini naapertorlugu taaguuteqassaaq. Qaasuitsup kujasinnerusortaani kommuni qeqertarpassuaqarnini taaguutigissavaa.
Januaarip aallaqqaataani januarip aallaqqaataani 2018-mit kommuni Avannaata Kommunianik taaguuteqassasoq, Qaasuitsoq Avannarlermi ikaarsaariarnermut ataatsimiititaliap aalajangiuppaa.
Kommuni Kommune Qeqertalimmik taaguuteqassasoq, Qaasuitsoq Kujallermi ikaarsaariarnermut ataatsimiititaliap aalajangiuppaa.
Pavia Petersenip Ikerasaarsummeersup taanna taaguut siunnersuutigisimavaa, taannalu 15.000 koruuninnassutigaa. Taaguummut siunnersuuteqartut 72-iusimapput.
Kommunip ilisarnaatissaanik nutaamik unammisitsinermi Julius Jeremiassen, Niaqornaarsuk, ajugaagami aamma 15.000 koruuninnappoq.
Taaguut Avannaata Kommunia inuit 12-t siunnersuutigisimavaat. Taakku tamarmik immikkut 3.000 koruuninnapput.
Kommunip ilisarnaatissaanik unammisitsinermi Maria Dorph ajugaavoq, taannalu 15.000 koruuninnappoq.
Tassani katillugu siunnersuuteqartut 261-iupput: Kommunip ilisarnaataanut 113-it aamma 148 taaguummut.