Skip to main content

Avannaani tunillatsissimasut nutaat aqqaneq-marluk

Avannaata Kommuniani misissuisoqarsimanerani Upernavimmi sisamat Tasiusamilu arfineq-pingasut tunillatsissimasut nutaat paasineqarput.

Oqartussat Avannaata Kommuniani aqqaneq-marlunnik nutaanik tunillatsittoqarsimasoq paasisimavaat, Namminersorlutik Oqartussat tusagassiorfinnut nalunaaruteqarlutik ilisimatitsipput:

- Tunillatsissimasut tamarmik nakorsaaneqarfimmit attavigineqareerput, allanilli tunillatsisimasoqarnersoq politiinit suli paasiniarneqarput. Massakkumut ilimanarsivoq tuniluunneq tuniluuttumit ingerlaartumit pisuunera, kisianni inaarutaasumik inerniliisoqartinnagu tunillaassuunnermik paasiniaanernit nalunaarusiat tamarmik utaqqineqassapput.

Misissukkalli tamarmik Ilulissani misissoqqissaarneqartussaapput, angallannermili pissutsit assigiinngitsut pissutigalugit, misissugassanik misissueqqissaarnissaq ilimagisamit sivisunerusimavoq.

Namminersorlutik Oqartussat ilanngullugu allapput, tunillatsissimasunut qanimut attaveqarsimasut tamarmik Corona pillugu allatseqarfimmit attavigineqarumaartut, taakkuali amerlanersaat angerlarsimaffimminni mattusimalereersimasut.

Namminersorlutik Oqartussat naapertorlugit, Upernavimmi tunillatsissimasut arlallit tunillanneqarsimanerminnik aamma tunillaasinnaanerminnik suli paasisaqaratik kaffillertuniissimasut.

Tunillatsissimasut kaffillertuniissimasut

- Taamaattumik innuttaasut tamarmik kaammattorneqarput maleruaqquneqartunik malinninnissaannik, aamma qanimut attaveqarnissaminnik killilersimaarinninnissaminnik.

Paneeraq Noahsen Nunatta Nakorsaaneqarfianeersoq itisiliilluni oqarpoq:

- Kalaallit Nunaanni pisuni amerlasuuni takuarput inuit allanik tunillaasartut suli namminneq tunillanneqarsimanerminnik pasitsaassisimanatik. Tassa taanna ilaatigut patsisaavoq katersuunnissat killilersuiffigineqarnerinut. Matumani inuit pineqartut tassaapput, ataatsimuualaarnerni peqataasut, tunillaassuinermik aallartitsineq ilisimanagu. Inuit angerlarsimaffimminni qanoq iliornissaannik aalajangiisinnaanngikkaluarluta, sakkortunerpaamik kaammattuutigissavarput taamatut katersuuttaqqunagit.

Akiuussutissalertissimanngitsut tunillanneqarlutillu tunillaasartut

Paneeraq Noahsenip tusagassiorfinnut nalunaaruteqarnermi ilanngullugu oqaatigaa, inuit akiuussutissalerneqarsimanngitsut taakkuunerusartut tunillatsittartut.

- Tunillaassuunneq qiviarutsigu tassani akiuussuserneqarsimanngitsut taakkuunerupput tunillatsittartut aammali allanik tunillaassuisuusut. Taamaattumik innuttaasut tamaasa, sumiiffinni akiuussutissamik neqerooruteqarnermut akuerseqqullugit kaammattorumavagut. Upernavimmi innuttaasut 36 procentiisa missaannaanniittut akiuussuserneqarsimapput, tamanna nunamut tamarmut sanilliukkaanni annikippallaaqaaq, Paneeraq Noahsen tusagassiorfinnut nalunaaruteqarnermi oqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER