Skip to main content

Avannaani qulimiguulik pillugu unammillernartoq aaqqippoq

Air Greenlandip Upernavimmi qulimiguuliutaa H155, novembarip 28-ani 29-anilu teknikikkut ajornartorsiornerit pillugit ajoquteqartoq, maanna angalaqqissinnaanngorpoq.

Upernavimmi qulimiguulik H155 nutaajukannersoq, teknikikkut ajornartorsiornerit pissutigalugit ukiup aallartinnerani taamaatitsinernit eqqugaasaqattaarpoq, tamannalu avannaani timmisartuni angalasut sullinneqarneranut eqquivoq. Taamanikkut qulimiguulimmut isornartorsiungaatsiarnermik pilersitsivoq, oktobarimilu taamaatitsinerpassuit aammalu novembarimi ullut marluk taamaatitsinerit kingorna isornartorsiuisoqaqqippoq.

Air Greenlandip Piujuartitsinermut Attaveqaqatigiinnermullu pisortaa, Inga Dora G. Markussen, Sermitsiaq.AG-mut ilisimatitsivoq, kingoraartissaq amigaataasoq ippassaq Upernavimmut tikiunneqartoq.

Ingerlalluartoq

- Qulimiguulik H155 aasap ukiallu ingerlanerani ajornartorsiuteqarani ingerlalluarpoq. Teknikikkulli ajornartorsiuteqallattaarnerit ingalassimaartissinnaanngilavut, Inga Dora G. Markussen oqarpoq.

Attaveqaqatigiinnermut pisortaq nassuiaavoq, kingoraartissanik pissarsinerup atuutilersitsinerullu kingorna, Air Greenland kingoraartissanut toqqorsivimmik annerusumik pilersitsisut. Tamannalu ilutigalugu qulimiguullit mekanikeriisa qumiliguullit iluarsartuunnerinut sungiussisimanerujussuanngorput.

Sulilluartut

- Mekanikerit sulilluaqaat, teknikikkullu ajornartorsiutit suliarinissaannut pikkorinnerulernikooqaagut. Kingoraartissat pisuni ataasiakkaani Frankrigimut piniaqqaarlugit maanga nassiunneqartarmata eqqarsaatigineqassaaq, aqqutaanilu silarlunnera pillugu kinguaattoortoqarsinnaalluni. Tamanna suliamik kinguarsaasinnaavoq. Kisianni kingoraartissanut toqqorsivimmik annerujussuarmik sanaartornikuuvugut, isumaqarporlu ajornartorsiutit pilertortut sukkanerujussuarmik aaqqissinnaagigut, Inga Dora G. Markussen ilisimatitsivoq.

Air Greenland qulinik angalasoqarsinnaasunik arfineq-marlunnik H155-iusunik qulimiguulinnik peqarpoq, taakkunannga arfinillit Nunatsinni agguataarneqarsimasuullutik.

- Qulimiguullit arlaat misissorneqartussanngoraangat, qulimiguullit arfineq-aappaat taarsiutaasarpoq. Saniatigut qumiliguulik atuisut malugisinnaasaannik aalaakkaanerusumik ingerlatsilersitsivoq, nassuiaassivoq oqarlunilu, Namminersorlutik Oqartussallu kiffartuussinissamut isumaqatigiissutertik Air Greenlandip sapinngisani tamaat atorlugu malinniartaraa.

Qeqertarsuarmi qulimiguulik minnerusoq inissinneqartoq

Taartalernerani sulisinnaaneq sivikinnerulersarpoq, qaammatiginneralu isumalluutinngortarpoq. Taamaattumik ingerlatsivik qulimiguulimmik minnerusumik AS350-imik, sisamanik angalasoqarsinnaasumik, Qeqertarsuarmi ingerlatsisussamik inissiipput.

- Kiffartuussinissamik isumaqatigiissut malikkumallugu saniatigut inissat pisariaqartinneqarput, qulimiguulimmillu saniatigut ilanngussaqarnitsigut angalasut apuussinnaavagut. Neriuinnaassaagut qaammatigitsillugu nuissertassanngitsoq, taanna oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER