Skip to main content

Avannaani Peqqinnissaqarfik: Periusissiap nutaap tuniluuttoqarnera unikaallatsissimavaa

Upernaviup peqqissaaviani tuniltsissimasut napparsimaruluttullu maannakkorpiaq ukkatarineqarput. Peqqinnissaqarfimmi sulisut peruluttoqartillu angerlarsimaffinnut pulaartassapput.

Coronavirusi Upernavimmi Upernaviullu nunaqarfiini qulingiluaasuni tuniluuppoq.

Peqqinnissaqarfiup taamaammat periusini allanngortissimavaa, tassani tunillatsereersimsut immikkut nakkutigineqassallutik aamma tunillatsissimasut arlaat unitsinneqassanersoq nalilersorneqartasslluni.

Maannakkorpiaq ataasiinnaq uninngavoq, alla uninngasimasoq angerlartinneqareersimavoq, Avannaata Peqqinnissaqarfiani nakorsaq Peter Vedsted Sermitsiaq.AG-mut ilisimatitsivoq.

Upernavimmi peqqissaviup peqqinnissaqarfimmi tuniluuttoqalernissaa pinaveersaartiniarlugu peqqissaavik immikkoortortanut pingasunut avissimavaa. Init pingasut piareersarneqarsimapput, atsseq tunillatsissimasut uninngavissaattut, ataaseq uninngasunut ataaserlu napparsimallutik uninngasunut suli tunillatsissimanerannik ilisimaneqanngitsunut.

- Innuttaasut tunillatsissimasut pisariaqartitsineranni angerlarsimaffiannukarluta misissortassavagut. Angerlarsimaffianni ilaatigut aavisa qanoq ilteqartiginera uuttortartassavagut aamma nalit pingaarutillit allat uuttortartassavagut, taamaalillutalu unitsinneqartariaqarnersut paasisassaallutigu. Tunillatsissimasut nalingi ajunngikkaangata suli angerlarsimaannartassapput, Peter Vedsted oqarpoq.

96-t tunillatsissimasut - maannamut

Upernavimmi Upernaviullu eqqaani tunillatsissimasut 96-iupput. Tamanna tunngavigalugu sumiiffimmi innuttaasut tamarmik tunillatsissimasumut qanillisimasutut isigineqarput, taamaattumik Naalakkersuisut peqqinnissaqarfiullu tuniluuttoqarnera unitsinniarlugu periusertik allanngortissimavaat.

Peter Vedstedip Sermitsiaq.AG-mut oqaluttuaraa, tuniluuttoqaraluartoq pissutsit aqunneqarsinnaasut. Tunillatsissimasut ilaat peqqisseqqereersimapput. Misissugassatulli tiguneqarsimasut hunnorujulikkaat Nuummi misissoqqissaarneqartussat suli uninngasuutigineqarput.

- Tunngaviatigut Upernavimmiut taassumalu eqqaani najugallit tamarmik tunillaassuisinnaapput. Imaanngilarli misissuisarnissarput unitsivikkipput. Inuit anersaartorniarnerminnik ajornartorsiuteqartut, oqaluppiarsinnaajunnaarsimsut niaqorlorujussuartartulluunniit suli misissortarpavut. Nukiillit tunillatsissimasunut pingaarnertut atortarpavut, Peter Vedsted Avannaata Peqqinnissaqarfiani nakorsaq oqarpoq.

Taassuma oqaluttuaraa, ilaatigut Ilulissaniit Nuummiilluunniit ikiortissarsiornissamik suli pisariaqartitsisoqanngitsoq. Upernaviulli peqqissaaviani sulisut artukkerneqassappata, sulisunik amerlanerusunik tikisitsinisssamik pilersaaruteqartoqarpoq.

Peter Vedstedili neriuuteqarluarpoq, Upernavimmimi innuttaasut aqqanileereersimasut 81 procentii akiuussutissalerneqarsimammata, taamaammat napparsimarujulertoqarnissaa naatsorsuutiginngilaa.

Tunillatsissimasut amerlanerpaaffimminniittut

Najukkami nakorsap nalilerpaa, coronamik tunillatsissimasut maannakkorpiaq amerlanerpaaffimminniittut. Misissugassatut tiguneqarsimasut siulliit takutippaat, Upernavimmi Upernaviullu eqqaani 96-inik tunillatsissimasoqartoq. Kisitsisilli suli amerlanerusinnaapput, misissugassatut tiguneqarsimasut 400-t missaanniittut, Nuummi misissoqqissaarneqartussaammata.

- Tunillatsissimasoqassappat sapaatip-akunnerani kingullermi tunillatsissimassapput. Tunillatsissimasut amerlanerpaaffimminniittut isumaqarpunga. Kaammattuutigaaralu malunniuteqaraanni allanut qanillinaveersaartoqarlunilu anglerlarsimaannartoqassasoq. Taamailluta tuniluuttoqarnera annikillisissinnaavarput, juullilu eqqissilluta ornillutigu, taanna Sermitsiaq.AG-mut oqarpoq.

OQALLIFFIMMUT TIKILLUARIT
  • Oqallinneq malinnaaffigalugulu peqataaffigerusukkukku cookies akuerissavat: ”accepter cookies”.
  • Pingaarutilik! Malittarisassat nutaat: oqallinneq malinnaavigiumallugu peqataaffigiumallugulu https://www.facebook.com/settings/cookie ataani Valgfrie cookies atuuttussanngortinneqassaaq.
  • Oqaaseqaatit allaffissartaat browserinni aamma mattunneqarsinnaavoq. Browserinni Facebookimi oqaaseqaatinut allaffissat atuutilersinnissaannut ilitsersuut uani atuarsinnaavat.
  • Sermitsiaq.AG atuartartutta akornanni isumaqatigiinngittoqaraluarpalluunniit oqalliseriaatsip pitsaasuunissaanik kissaateqarpoq. Oqallinnermut malittarisassanik unioqqutitsineq mattunneqarnermik kinguneqarsinnaavoq.
  • Oqaaseqaatinik sakkortuunik nalunaarutiginninneq pisinnaavoq "rapporter" toorlugu imaluunniit ”markere som spam” toorlugu.

Forsiden lige nu

SENESTE NYHEDER