Skip to main content

Avannaani nunaqarfik qaleralinnik aatsaat taamak tunisassiaqartigaaq

Ukkusissani tunisassiorfiup qalerallit 600 tonsit ukioq manna anguniarsimavaat, kisianni naatsorsuutigisamik annerujussuarmik tunisassiorput

Ukkusissanik tunisassiorfik ingerlalluartorujussuuvoq. Nunaqarfik Uummannap avannaani 42 kilometerinik ungasitsigisumiittoq 200-t missaani inoqarpoq.

Tunisassiorfiup ukiup ataatsip ingerlanerani 708 tons tunisassiarisimavai, tamannalu naatsorsuutigisamit anneruvoq. Qalerallit 600 tonsit tunisassiarinissaat anguniarsimavaat.

Taamaammallu tunisassiorfiup rekortini angusimavaa, Royal Greenland ilisimatitsivoq.

Atortut pitsaanerit
Tunitsivimmi aqutsisoq, Johanne Samuelsen, angusarissaarneq aalisartut atortorinnerulenerisugut aamma tunisassiorfiup qerinasuartitsivittaarsimaneranik ilaatigut peqquteqartoq oqarpoq.

- Aatsaat taama tunisassiaqartigaagut. Siornatigut 300 tonsit missaannaanittut tunisassiarisarpagut, taamaammat angusarput naammagisimaarluarparput, Johanne Samuelsen Royal Greenland tusagassiorfianut oqarpoq.

Taassumalu nuannaarutigaa, aalisartut atortorissaanerulersimammata pisaqarluarnermik kinguneqartitsisumik aamma tunisassiorluarnerminnut peqqutaammata.

Inuit aqqaneq marluk missaaniittut tunisassiorfimmi sulipput.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER