Avannaani eqqaavissuit nakkutigisamik ikuallanneqarsinnaapput

Upernavik Kujallermi eqqaaviit pillugit Jens Napaattooq (PN) Naalakkersuisunut allakkatigut apeqquteqaateqarpoq.

Nunaqarfimmi eqqaaveqarneq ajornartorsiutaasoq apeqquteqarnerminut tunngavilersorpaa.

- Innuttaasut eqqagassat eqqarneqartanngimmata quiminnut kælderinut allanullu katersuinnartariaqarsimavaat, taamaasilluni maannakkut eqqagassat eqqarneqartaratik amerlilluinnarsimallutik, tamannalu illersorneqarsinnaanngilluinnartumik killiffeqartoq aamma peqqinnissamut ulorianaateqarluinnartuusoq akuersaarneqarsinnaanngilluinnarpoq, Jens Napaattooq ilaatigut allappoq.

Avannaata Kommunia nunaqarfimmi Upernavik Kujallermi eqqagassalerineq pillugu unammilligassaqartoq Naalakkersuisunit ilisimaarineqarpoq.

Qaammatit pingasut

- Kisiannili 30. marts Upernavimmi aarnma Upernaviup nunaqarfiini qaarnmatini pingasuni ammaannartumik nakkutigisamillu ikuallaasarnissamut Naalakkersuisut immikkut ittumik akuersissuteqarput, akissuteqaammi allappoq.

Eqqagassat eqqagassanut containerinut aamma eqqaaviit naatiffiini eqqaavinnut naleqquttunut isumannaatsumik isumagineqartussaasut ilisimatitsissutigaa, nangilluni aamma ima allappoq:

- Eqqagassalerinerup avatangiisinut peqqissutsimullu isumannaatsumik isumagineqamissaanik qulakkeerinissaq kommunit akisussaaffigaat. Kisiannili Naalakkersuisut Upemavimmi Upemaviullu nunaqarfiini angerlarsimaffinniit eqqakkanik ammaannartumik ikuallaasarnissamut immikkut ittumik akuersissuteqamerannut atatillugu, kommunip aaqqiissutissanik naammattunik, eqqakkat atortut tamatumunnga akuerisat atorlugit isumagineqarnissaannik qulakkeeriffiusunik pilersitsinissaq sulissutigissavaa.