Skip to main content

Avammut tunisat milliardip affaanik nalilimmik annikilleriarsimasut

Aalisakkanik tunisassiat januaarimiit aggustimut avammut tunineqarsimasut siorna piffissap taamaalineranut sanilliullugu 549 millioner koruunit nalingannik annikilleriarsimapput.

Aalisakkanit tunisassiat avammut suli tuniniaruminaapput. 

Naatsorsueqqissaartarfiup naatsorsuisimanerata kingulliup takutippaa, januaarimiit aggustimut avammut tunisat nalingi 549 millioner koruuninik annikilleriarsimasut.

- 2021-mi januaarimiit aggustimut avammut tunisat nalingi katillugit 2.786 millioner koruuniusimapput. Ukiup siulianut sanilliullugit 549 millioner koruuninik annikilleriarput, tamannalu katillugu 16,5 procentiuvoq, Naatsorsueqqissaartarfik allappoq.

Takussutissaq: Naatsorsueqqissaartarfik

Naatsorsueqqissaartarfiup qaammammi kingullermi naatsorsuisimanera naapertorlugu, piffissami pineqartumi avammut tunisat 424 millioner koruuninik nalilinnik annikilleriarsimapput, taamatullu ingerlasoqarnera killuup tungaanut aallartinneqarsimanngilaq.

Qalerallit avammut tunineqartut nalingat 26,6 procentimik annikilleriarsimasoq

Qalerallit avammut tunisat annikilleriarnerpaasimapput:

- Qalerallit avammut tunineqartut nalingat 26,6 procentimik annikilleriarsimavoq, tamannalu 233 millioner koruuninik naleqarpoq. Avammut tunisat oqimaassusaat 16,0 procentimik apparsimavoq, kilumullu agguaqatigiissillugu aki 12,6 procentimik apparsimalluni, Naatsorsueqqissaartarfik allappoq.

Raajat avammut tunisaanerisa nalingat 9,4 procentimik appariarsimavoq, tamanna 153 millioner koruuninik, saarulliillu avammut tunineqartut nalingat 11,9 procentimik annikilleriarpoq, ta­manna 42 millionern koruuninik naleqarpoq.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER