Skip to main content

Avaleraasartuut: Aalisartut Nunatsinneersut nunat tamalaat aalisarfigisartagaanni aalisaleruttorput

Avaleraasartooq kalaallinut aalisariutaatilinnut aalisagaavoq nalitoorujussuaq. Nunatta eqqaani aalisarneq ukioq manna iluatsippallaanngilaq. Maannali Norskehavetimi nunat tamalaat imartaanni aalisartoqarluarluni.

Ukiumoortumik tunineqartartut 1 milliardit eurot imaluunniit 7,5 milliardit koruunit sinnerlugit akeqartarmata, avaleraasartuut aalisarumaneqartaqaat, tamakkuninngami aalisarneq Atlantikup avannaani aalisarnermi annerpaanut ilaagami. Ukiut kingulliit ingerlaneranni Atlantikup avannaani ukiumut 1 milliardit tonsit missaat pisarineqartarput.

Aviisi Sermitsiaq taama allappoq.

Ukioq mannali Nunatta imartaanni, tassa Tunup avataani avaleraasartooqanngingajalluinnarpoq, ukiuni pisaqarfiunerpaasartuni 2014-imi aamma 2016-imi 37.500 tonsit aamma 28.000 tonsit pisarineqartarsimagaluartut.

Tunup avataani aasaq manna ukiorpassuarni siullermeersumik aatsaat taama avaleraasartooqanngitsigaaq. Pisarineqartut ikittuinnaapput. Islandip imartaani avaleraasartuut aamma ikileriaateqarput.

Tamatuma akerlianik Norskehavetimi nunat tamalaat imartaanni avaleraasartuut amerleriarujussuarsimapput. Imartaq tamanna nunanit tamalaanit aalisarfigineqarpoq, Norgemiunit, Savalimmiormiunit Islandimiunilluunniit killeqarfigineqanngitsoq.

Avaleraasartooqassuseq aasaq mannami­ sissuiffigineqarmat tamanna paasineqartoq, Teunis Jansen oqaluttuarpoq.

Taanna Pinngortitaleriffimmi aamma ICES­imi, tassa nunat tamalaat immanik ilisimatusarnermut isumalioqatigiissitaanni aamma aalisakkanut qalerualinnullu im­ mikkoortortami misissuisuuneruvoq.

– Kalaallit Nunaata killeqarfiata iluani avaleraasartuunik ikittuinnarnik pisaqarpugut. Tamanna aalisartut tamaani pisaqanngingajassimanerannut uppernarsaataavoq. Taamaattumik tamaani aalisarnerminnik piaartumik taamaatitsipput, nunallu tamalaat imartaannut aalisariarlutik, Teunis Jansen aviisimut Sermitsiamut oqarpoq.

Aviisimi Sermitsiami atuarnerusinnaavutit. Aviisi uani ataani pissarsiarisinnaavat:

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER