Skip to main content

Avaleraasartuut affaat kalaallit qalorsuinik pisaassapput

Avaleraasartuunik pisassinneqarnissamik qinnuteqaatit Naalakkersuisut suliaraat

Avaleraasartuunik pisassiissutit 52 procentii umiarsuaatillit Nunatsinneersut nammineq aalisariutaatillit pisarissavaat. Pisassiissutit agguataarneqarput aalisariutit Nunatsinneersut naammassisaqarsinnaassusiat misissoreerlugu.

Atuaruk: Nunarput nammineerluni avaleraasartuut pillugit isumaqatiginninniarsinnaasoq

Avaleraasartuunik pisassat katillutik 100.000 tonsiupput, taakkunanngalu tassa 52.000 tonsit kalaallit umiarsuaatillit nammineq aalisariutaatillit pisarissavaat.

- Taama piumasaqartoqarpoq Nunatsinni suliffissat amerlineqarsinnaammata. Piumasaralugulu ingerlatseqatigiiffiit nutaat misileraalluni aalisarnermut peqataatinneqarnissaannut aamma periarfissiissutaassasoq, Naalakkersuisut nalunaarput.

Kalaallit umiarsuaatillit aalisariutinik attartorsinnaasut aamma pisassinneqarput. Qinnuteqartut pingajuitut taaneqartut tassaapput ingerlatseqatigiift aalisarsinnaanermut piumasaqaatinik naammassinnissimasut

Pisassiissutit 10 procentii suli agguaanneqanngillat. Taakku ingerlatseqatigiiffinnut nammineq aalisariutaateqanngitsunut tunniunneqarsinnaapput aalisarsinnaanermut piumasaqaatinik naammassinnissimappata.

Velkommen til debatten
  • Oqallinneq malinnaaffigalugulu peqataaffigerusukkukku cookie akuerissavat.
  • Sermitsiaq.AG-p atuartartut akunnerminni isumaqatigiinngikkaluarpataluunniit kissaatigaa, pitsaasumik oqallittoqartarnissaa. Oqallinnissamut malittarisassavut unioqqutinneqarpata oqallinnermut peqataaqqusaajunnaartitsisoqarsinnaavoq.oq .
  • Peqqarniitsumik oqaaseqartoqarsimaneranik nalunaarutiginnittoqarsinnaavoq, "rapporter" toorlugu imaluunniit ”markere som spam” toorlugu”.

Forsiden lige nu

SENESTE NYHEDER