Skip to main content

Avaleraasartoorniarusuttut akineqarneq ajorput

Nunatsinni aalisartut avaleraasartoorniarusuttut ukioq manna aalisarsinnaanerlutik suli paasinngilaat. Suliffeqarfik ataaseq 300 millioner koruuninik aningaasaleerusuppoq

Qupaloraarsuit takkutillattaalerput upernalernera nalunaarutiginiarlugulusooq. Upernarnerani aasarneranilu aamma imaq kissatsinnerulaartarpoq, ukiunilu kingullerni taamaalisarnera avaleraasartuunik nalitoorsuarnik nassataqartarsimavoq. Kisianni aalisartut, avaleraasartoorniarnissamut pilerisoqisut, oqartussanit akitsaaliorneqarput ukioq manna avaleraasartoorniarsinnaanersut.

Millionerpassuarnik aningaasalerusuttut
Kalaallit Nunaanni Sulisitsisut Peqatigiiffiata, GE-ip,  ilaasortai suli akineqarsimanngitsut, peqatigiiffik ilisimatitsivoq. Nunatsinnilu suliffeqarfiit akunnattut ilaat, Halibut Greenland, (GE-mi ilaasortaanngitsoq) avataani avaleraasartoorniarnissamut 300 millioner koruuninik aningaasaliissuteqarnissaminut eqqarsaatersuuteqarpoq.

- Uagutsinnut suliffeqarfimmut mikisumut ajornartorsiutaavoq taama annertutigisumik aningaasaliissuteqarnissamut naalakkersuisoqarfimmit utaqqisinneqarnerput, pisortaq Niels Thomsen oqarpoq.

Suliffeqarfimmummi tassunga Aalisarnermut Naalakkersuisoqarfik pisassiiniarluni neriorsuuteqarsinnaappat isumaqartorujussuussangaluartoq, Niels Thomsen oqarpoq.

- Umiarsuarmut tassunga aningaasaliissuteqarutta, taava suliffissanik 100-nik pilersitsissangaluarpugut, immaqalu aamma nunatta karsianut ukiumut 150 millioner koruuninik tapiissuteqartassangaluarluta. Kisianni naalakkersuisoqarfimmit utaqqisinneqarpugut, uagullu kissaatigineqanngitsutut allaat misigisimavugut, pisortaq oqarpoq.

Atuaruk: Avaleraasartuut affaat kalaallit qalorsuinik pisaassapput

‘Tamarmik utaqqipput’
Kalaallit Nunaanni Sulisitsisut Peqatigiiffiata siulittaasuata, Henrik Lethip, pisoq allani aamma taamatut takussaanerarpaa.

- Allat aamma uagut utaqqeqatigivagut. Ukiut tamarluinnaasa taamatut pisoqartarpoq, tamannalu uggornarpoq. Neriuinnassaagut kalaallit aalisariutaat amerlanerit avaleraasartoornialersinnaasut, kisianni umiarsuit taamaattut akisupput, oqarpoq.

Aalisarnermut Naalakkersuisoqarfimmit neriorsuutigineqarpoq aalisartut qanittumi akineqarumaartut.

- Ulapittorujussuuvugut pisassanik uani agguaassineq suliassartaqartorujussuummat. Oqaannarsinnaavunga sapaatip akunnerata ingerlanerani pisortatigoortumik nalunaaruteqarumaaratta, immikkoortortaqarfimmi pisortaq Emanuel Rosing oqarpoq. 

Suliffeqarfiit oqaatigaat suleqatikkuminaatsorujussuususi avaleraasartoorniarnissaq pillugu apeqqutinut akineq ajorassi ? (apersortoq unitsinneqarpoq)

- Tusagassiuutinut nalunaarummik sapaatip akunnerata missaa qaangiuppat nassiussissaqqaarpugut, tassa maannamut oqaatigisinnnaasara, Emanuel Rosing oqarpoq.

Malittarisassat allanngorartut
Siorna avaleraasartoorniarnissamut piumasaqaatit piffissaq kingulleq atorlugu allanngortinneqarput. Tassa juulimi aalisalernissaq sapaatip akunnerinik marlunnik sioqqullugu. Piumasaqaatinngorpormi kineserit umiarsuaannik attartortoqarsinnaajunnaarnera, taamaattorlu kalaallit aalisarnermik aallutaqartut ilaat ataaseq russit umiarsuaannik attartornissamut akuerineqarpoq.

Atuaruk: Avaleraasartuunik qaleralinnillu nunanut allanut tunisaqarneq niuernermut angusaqarluartitsivoq

 

Velkommen til debatten
  • Sermitsiaq.AG ønsker en konstruktiv og god debattone blandt vores læsere uanset uenigheder. Overtrædelse af vores debatregler kan føre til udelukkelse.
  • Anmeldelser af grove kommentarer kan ske ved at klikke på "rapporter" eller ved at ”markere som spam”.

Forsiden lige nu

SENESTE NYHEDER