Avaleraasartoorniarneq aallarteruttorpoq
Immap kissassusaa pissutigalugu avaleraasartoorniarnermut ukioq manna isumalluarpugut, Jørgen Wæver Johansen oqarpoq.
Ingerlatseqatigiiffinnit avaleraasartoortassinneqarsimasunit arfineq-pingasuusunit Arctic Prime Fisheries A/S aamma Nanoq Seafood A/S marluullutik Tunumi maanna avaleraasartoorniarput.
Aviisi Sermitsiaq taama allappoq.
Nanoq Seafood A/S-ip kilisaataataa Tasermiut (75 meterisut takitigisoq) avaleraasartoorniarluni sapaatip akunnerata ataatsip matuma siorna aallartippoq, ullut sisamat ingerlaneranni avaleraasartuut 100 tonsingajalluinnaat pisarisimavaat, tassa aalisarneq suli iluamik aallartinneqanngilaq.
Ingerlatseqatigiiffinnulli taakkununnga piginneqataasoq siulersuisunilu siulittaasuusoq, Jørgen Wæver Johansen isumalluarpoq.
Pisassat amerlineqartut
- Biologit avaleraasartuunut tunngatillugu pisassiissutissatut aallaqqaammut inassutigisimasatik ukioq manna allanngortillugillu qaffappaat, tamanna kalaallit aalisariutaannut iluaqutaassaaq. Avaleraasartuut ilaatigut immap kiassusaa aalajangersimasoq nerisartagaannut aalajangiisuusartoq ingerlaarfigisarpaat. Tassa aalisarluartoqarnissaanut maajip qaammataani Atlantikup avannaata kangiani imartap kiassusaa biologinut tikkuussisarpoq, ukioq manna immap kiassusaa 2014-imi maajip qaammataani kalaallit kilisaataataasa pisaqarfigilluarsimasaannut assiguvoq. Taamaammat nalunaarutit pissarsiarisimasavut tunngavigalugit ukioq manna pisaqarluarnissatsinnut neriuuteqarpugut, maannakkorpiarli oqaatigisinnaanngilarput aalisarnerput aallartilluartoq, aalisarlutami aatsaat aallarteruttoratta, oqarpoq Jørgen Wæver Johansen.
Allaaserisaq tamaat aviisimi Sermitsiami atuarsinnaavat. Aviisi uani ataani pissarsiariuk: