Avalak Aarhusi 'Martsi peqqissuutiguk' aaqqissuukkaa

Qaammatip martsip peqqissuutinnissaa anguniarlugu kalaallit Aarhusimi ilinniartut peqatigiiffiat Avalak aaqqissuussivoq.

Ukioq kingulleq maajimi assingusumik aaqqissuussisoqarpoq, maajimili misilitsinnerit ingerlanneqarmata ukioq manna aaqqissuussinerit martsimut nuutsinneqarsimapput. Avalak Aarhusimi siulittaasup tullia Trine Pedersen marlunngornermi peqqinnartunik nereqatigiittoqareersoq oqarpoq.

Matsimi pisussat:

• sapaat 16-ani: Taseq Brabrandsø kaajallallugu sikkileqatigiinneq

• marlunngorneq 18-ani: Peqqinnartunik nereqatigiinneq

• sapaat 23-ani: Stafetterluni oqilaniunneq Haslebakkerip eqqaani

• arfininngorneq 29-ani: Paintballerneq Mallingimi